Tuksuum Taktak Asi ko Hih

Mah miphun te a si mi le Khrih Jesuh zumhnak zong ah Khrihfa tiah ai ti mi miphun kan si i,kan Pathian biak ning hi khuaruahhar ngaingai cu kan si ko hna hih.A tu a tang i ka van ttial ding lebang hi cu hi ti rel bak zong hin tuk a suum i,thinlung a nuamhter lo cawlh mi kong a si caah hin a mit an khoih mi Malsawma caah hin thlacamnak he bawm cio hna usih.

 

Malsawm hi,Mizoram,Aizawl sang pakhat ah a um mi a si.A chuahka te in pumtlam a tling mi te a si,a mui zong ai za ngai mi le a pumrua zong a ttha ngaingai mi a si ko.Asinain vawlei taksa duhnak in a kal sual ve caah a pum tling tein sertu niha ser mi cu misual aitawn sual caah mit lo in a umnak hi a si.

 

Malsawma hi a tleirawl chuah,Tlangval tiah ti khawh lio kum 20 tluk a si lio ah hin Mi Uico cu a laak i,Rangvamual zu zuarnak ah a va zuar,cucu a ngeitu hna nih an theih i an kawl cawlh ve,rangvamual ah cun Uico a ngeitu cu an va kal i,cucu Malsawma nih cuna theih i,zaamlo in a mahte in an sin ahcun a vai langh.

 

Cu ti a vailangh cu,thil sining he pehtawnh tikah,ngeihthiam hal kha a timh hna khi a si.Sihmanhselaw Uo ngeitu nih cun minung 2 si hna kaw an tleih i cu zong ahcun Malsawma cu a cawl duhlo i,a kut cu a hnulei ah an leh i an ttem pinah a ke tiang in an ttem chih,hi ti an tuah hlan ah hin zu an dinpi hmasa ti si.

 

Cu hnu ah Malsawma cu minung 2 nih cun a mit an huh riangmaang i a mit cu thir in an den piak hnu ah an kaltaak.A thaizing ah a lung a fiim deuh in a tho i a mahte in a kal.Hi lio ah hin khatte lei ka mit hi cu tlawmpal te khua a hmu rih ko,asinain a tu ahcun ka mit pahnih in khua a hmu kho ti lo e,a ti.A tang hi van ngai ve law na ngaih a chia tuk ve lai.

 

https://youtu.be/QKFYEyBKqoc

 

Thawngdang:A tulio minung kan thih ning te te hi tuak lengmang ah ngaihchia ngaingai a si ko.Minung thihnak hi damlo ruangah thih hi cu chim khawh a si lo i,cubantuk in tar hnu ah thih hi cu,Bible nih a kan chimh chung mi a si caah al awk ttha khi a si lo caah theihthiam a um deuh ti khawh khi a si.

 

A tu a thi mi pa hi,Aizawl,Vaivakawn sang i,Tilu luannak lung a remh mi kam ah a min an theih lo mi pa pakhat cu zeihmanh theilo in a um i i,sang mi hna nih an hmuh le caangka in sizung ah an kalpi cawlh ,asinain a taksa cu a kihtuk cang caah sibawi hna nih cun a nunnak hi kan chanhanh ti lai lo an ti i a nunnak a liam.

 

A tu a thi mi pa hi sii ttha lo chunh a hmabng mi le a ei zong in ei a hmang mi a si i,an hmuh ah hin sii ai chunh mi nih a chei deuh caah a tubantuk hin a umnak hi a si.A tutiang ah hin mi zeidah a si ti mi le khawika khua le sang dah a si ti mi hi hruaitu pakhat nih a hlat i sii a ti ve mi pa a hal i a mindin lawng in a chimh khawhnak kong a chim.

 

Yesagyo Ah SAC Ralkap Le PDF Kahdohnak A Chuak, SAC Ralkap 4 An Thi.May 12, 2022 .Magwe ramṭhen, Yesagyo peng ah inn a khaangtu SAC ralkap hna le tualchung hriamtlai phu hna cu nihin May 12 zinglei ah an i kap, tiah theih a si. SAC ralkap hna cu May 11 zinglei ah Yesagyo pengchung NanOo khua ah zaan an riak i, nihin May 12 zinglei ah nichuahlei Taung khua ah rallam sial in, khuachung inn an hrawh lio zinglei suimilam 9:00 hrawng ah kahdohnak a chuak, tiah Yesakyao PDF in hruaitu Hmai Tae Zah nih a chim.

 

Kahdohnak cu a rau lo nain SAC ralkap 4 an thi i, Tualchung hriamtlai phu lei cun hliam tuar an um lo, tiah theih a si. Rallam a sialtu SAC ralkap hna hi Sagaing ramṭhen in Magwe ramṭhen ah a phan mi an si. Ral tu ding nakin mipi hrem i, harsatnak pe ding in le khuachung inn khaang ding in timhtuahnak he a ra mi an si, tiah Hmai Tae Zah nih cun a chim chap.

 

SAC ralkap hna cu Yesagyo People’s Defense Force battalion 2 le KNT pah-kah-phah phufonh nih an kahdoh hna, tiah theih a si. Rallam sialtu SAC ralkap hna cu a luancia caan zong ah Yesagyo peng khuachung ah voi tampi rak lut in, mipi umnak inn an hrawh i, sui le mansung thilri leng ah thilri dang zong an fir hna, tiah tualchung mi nih an chim.

 

May 9 le 11 ah Yesagyo peng, Yelaykyun (ရေလယ်ကျွန်း) ah SAC ralkap le tualchung hriamtlai phu hna cu an i kap i, sniper kahnak in SAC ralkap 3 an thi, tiah MG 6 pah-kah-phah phu nih an thanh.
Crd:TCP

 

Matupi In A Kir Mi SAC Ralkap Motor Run Cu Lampi Ah CDF Nih An Kah Hna.May 12, 2022 .Matupi ah minung thazaang an chap khawh in a kir mi SAC ralkap motor run le CDF-Mindat cu nihin May 12, zaanlei ah faak ngai in an i kap ṭhan, tiah CDF-Mindat nih an thanh. Phone line hman khawh a si lo caah ralhmai kal hna he pehtlaihnak tuah zong a har i, thawngpang i thanhnak ah harnak kan ngei, tiah an langhter.

 

Nihin Kahdohnak a chuahnak hmun hi Mindat-Matupi lampi mengtung 14 ah a si. CDF-Mindat nih SAC ralkap motor ruun cu an kah pah lengmang hna caah nihin hi Mindat phan ding an si cang nain khoika an phanh a fiang rih lo, tiah CDF-Mindat in chimphuannak nawlngeitu Salai Ha Uam nih a chim.

 

SAC ralkap motor run cu Matupi in April 27 ah khan an chuak i, CDF Mindat nih April 30 in nihin May 12 tiang nitin ngawt in an rak kah hna. Meng 6 tluk a hlat mi khuallam cu nihnih hna an kal, tiah Salai Ha Uam nih a chim.

 

“Meng 100 tluk a hlatnak khuallam cu zarhhnih hrawng an kal i, nawlpek an si caah nawl zul in a kal mi an si, thihnak lampi ah kal mi bantuk an si ko,” tiah a chim chap. CDF-Mindat nih cun rallam a sialtu SAC ralkap motor run hna cu Mindat an phak hlan lo faakpi in kan kah peng hna lai, tiah an chim.
Crd:TCP

 

Pale Peng Ah SAC Ralkap Motor Run Bomb Puah An Tong I, 6 An Thi.Sagaing ramṭhen, Yinmapin pengkomh Pale in Mintaipin(မင်းတိုင်ပင်) khua ah rallam a sialtu SAC ralkap motor 10 le ke a zultu SAC ralkap hna cu nihin May 12, zinglei suimilam 9:00 hrawng ah Dawngnat (ဒေါင်းနက်) pah-kah-phah nih bomb an rak puahhnawh hna, tiah theih a si. Rallam a sialtu SAC ralkap hna nih Pale khua an chuahtak hnu ah lampithluan ah hriamngan le hriamhme an puah tuk caah Latpagan(လက်ပုကန်) khua pawng ah tualchung hriamtlai phu hna nih bomb in kan doh hna hi a si, tiah an thanh.

 

“Ke in rallam a sialtu hna cu hmai ah keh le orh in an kal i, an hnu in motor 10 nih an zulh hna. Latpagan (လက်ပုကန်) khua pawng ah bomb kan puahhnawh hna i, SAC ralkap 6 an thih lengah hliam tuar zong an um,” tiah Dawngnat (ဒေါင်းနက်) pah-kah-phah in ṭuanvo ngeitu nih a chim. Bomb puah an ton hnu ah SAC ralkap motor 6 cu Pale lei ah a kir ṭhan i, a taang mi motor 4 cu Latpagan (လက်ပုကန်) khuachung ah a lut ṭhan, tiah theih a si.
Crd:TCP

 

Lashio-Muse Lampi Kahdohnak Ah SAC Ralkap 20 An Thi + Htirih Sakhan Ah 20 Hrawng Ṭhiam An Thi.May 12, 2022 .Shan ram Muse(မူဆယ်) peng, Lashio-Musae lampi ah private motor he a kal mi SAC ralkap hna cu PDF phufonh nih an kah hna i, SAC ralkap 20 an thi, PDF in minung 2 an nunnak a liam, tiah People Security And Defense Army – Muse nih an thanh.

 

May 4, zaanlei suimilam 5:40 ah Lashio-Muse motor lampi ah SAC ralkap khah-mah-yiah 241 le khah-mah-yiah 420 hna cu private motor 5 in Muse lei an kir lei Maungtaw(မော်တောင်း) khua le Talung (တာလုံ) khua kar ah Muse PSDA le tualchung hriamtlai phufonh hna nih an kah hna, tiah theih a si. “SAC ralkap lei a thi mi 20 le hliamhma tuar mi 4 an um. Kanmah lei in minung 2 nunnak a liam i, 3 nih hliam an tuar,” tiah PSDA chungtel pakhat nih a chim.

 

Htirih SAC ralkap Sakhan Kahdohnak Ah SAC ralkap Bawi Tel in 20 Hrawng An Thi!: Shan-Kayinni aa tonnak Mubae nichuahlei Htirih(ထီရိ) khua ah umhmun khuar mi SAC ralkap sakhan cu nihin May 12, zinglei ah Kayinni ralkap phufonh nih luhhnawh in an kah hna. SAC ralbawi tel in minung 20 hrawng an thi i, a nung in 5 an tlaih hna lengah hriamthil zeimawzat an laak, tiah Phaekhung PDF battalion 2 nih an thanh.

 

Htirih (ထီရိ) khua ah umhmun khuar mi SAC ralkap sakhan cu Phaekhung PDF battalion 2 le KNDF battalion 3 phufonh nih an kahdoh hna, tiah theih a si. Htirih (ထီရိ) khua SAC ralkap sakhan cu khualtlawng motor le thilphor motor hna sinin chekhlatnak le phaisa hal an tonnak gate pakhat a si caah motor tam deuh nih cun cuka lam cu an hrial tawn, tiah tualchung mi nih an chim.
Crd:The Chin Post