Ralhrang Phu An Thi Thluahmah Ko cang Hih

Phyu khua ah palek pakhat thah, Pwintbyu ah sakhaanhmu le Palekbawi pakhat thi.October 22 zaan Bago Ramthen, Phyu Peng ah palek Si Thu Win cu nihin zing ah meithal in an kah i a thi.

May be an image of one or more people

 

October 20 lio Magway Ramthen, Pwintphyu (Pwintphyu) Peng ah sakhaanhmu (Chief of Police Station) le Du-ye-oh (Deputy Chief of Police) tel in minung 7 PRA-Magway le Pwintbyu PDF nih bomb in an thah hna, tiah KTM nih a tial.

May be an image of outdoors

 

Rialti khua pawng ah miruak pakhat hmuh, mizei a si hngalh a si rih lo.October 23| Falam Peng Rialti khua pawng ah miruak pakhat an hmuh, aruak a tlol pah cang i mizei a si hngalh a si lo.

 

Aluancia October zarh hnihnak hrawng zong ah Falam Peng Tuphei khuami 2 an ruak in an rak hmuh (char/hlawm) bal cang hna.Rialti khua hi inn 10 khuasa an si i SAC ralkap nih an khua ning in ni 2 chung ah an rak khangh dih, tiah kan theih.#PhotoMeifarThuthang
The Hakha Times

 

Thawng dang:Palek Panga Nih CDM Kan Tuah Lai Tiin Pafa Pahnih An Hlen I An Thah Hna.Sagaing ramthen Kanbalu peng, Chet Tin palek sakhan in palek panga nih CDM kan tuah lai tiin Kangyi khuami U Tin Tun le a fapa Kaung Thiha cu an auh hna i biahalnak hmun ah an thah hna tiah khuami hna nih an chim.

 

Oct 20, zanlei suimilam 4 ah Kanbalu peng Chet Tin palek sakhan ah a ummi palek panga hna nih Kangyi khuami U Tin Tun (kum 49) le a fapa ngakchia bik Kaung Thiha (kum 21) cu CDM tuah kan duh cash saikel pathum kan herh tuk, nan kan bawm kho hnga maw tiin an hlen hna.

 

U Tin Tun le a fapa cu palek panga hna bawmh dingin Kangyi khua in Chet Tin khua lei an kal lioah palek nih an tlaih hna i Oct 21 ah ralhrang biahalnak hmun ah an thah hna tiah theih a si. U Tin Tun le a fapa thihnak kongah ralhrang nih cun an tak cungah tuahchom bomb kan hmuh i dir u kan ti hna nain an dir duh lo caah kan kahmi hna a si tiin lih le hrokhrawl in thawng an thanh, tiah khuami hna nih an chim. Ref: Khet Thit Media

 

A dang: Thluaklei tlamtling lomi nih hringtu a pa telh in minung 4 naam in a thah hna.Chin ramkulh, Mindat peng Makiu Ingnukhua ummi Maung Zawng Thang (Kum 36) nih October 22 chun ah hringtu a pa telh in minung 4 hna cu tlanglo facang an cil lioah ruahlo piin naam in a thah hna, cun midang pahnih zong a hliamh hna tiah theih a si.

 

A thahmi minung 4 lakah kum 60 a upa cangmi nu zong ai tel ve tiah theih a si i ai hliammi minung pahnih lakah pakhat cu kum 5 ngakchia a si. Maung Zawng Thang hi PCM Khrifabu Pastor (Pension) U Thang Ling Bu (Kum 60 hrawng) i a fapa fangkhat te a si. A chuahka tein Vok zawtnak( Watzu) a ngeimi si.

 

Pastor pa a dawtu pawl nih a lo facang tuan an bawmh. Anih hi cu hlan cu mi zong harnak a pe balmi a si lo, thlapa lai lio si caah a zawtnak a puan bia zong si kho. Cun ram buairuang le zawtnak ruangah lengchuah a ngahlo caah thinlung retheih ruangah ruahlo piin a zawtnak a zual zong asi kho. Khua upa nih an tlaih i an hren ko ” tiah khuami pakhat nih cun a chim.

Source: Zalen/TCP