Ralhraang Hna Cu Chinram Chungah An Tlawm Thluahmah Ko Cang Hih

Chin Ralkulh Kahdohnak Ah Ralhrang Zeimawzat An Thi.January 19, 2022.Chin ramkulh, Falam peng chung ah nizan January 18 le nihin January 19 ah ralhrang phu le CNDF kar kahdohnak voi 3 tiang a chuak tiah theih a si. Cu kahdohnak ah cun ralhrang phu lei in minung 8 hrawng an thi i, hliamhma tuar an tam tiah CNO/CNDF nih cathanh an chuah. Nizan January 18, zinglei suimilam 8:30 hrawng ah Falam peng Lati(လာသီး) khua le Kulzam(ကုလ်ဇာမ်) khua lei ah ralhrang phu le CNDF kar ah faak ngai in kahdohnak a chuak i ralhrang phu minung 4 an thi, CNDF in minung 1 nih hliamhma a tuar, tiah theih a si.

 

Cun, zanlei suimilam 5:30 hrawng ah CNDF nih bomb in an doh ṭhan hna caah ralhrang lei minung 4 an thi. Nihin January 19, zinglei suimilam 9:00 hrawng ah CNDF nih an hmanhmi bomb cu ralhrang phu hna nih an i lamh caah a thi mi le hliamtuar an tam i, hnu an tolh ṭhan, tiah theih a si. Khuachung mizapi hna nih Falam-Kalay kalnak motor lampi ah khualtlawng rih lo ding in CNDF nih theihternak cathanh an chuah.

 

Nihin January 19 ah Kata(ကသာ) pengkomh Thichait (ထီးချိုင့်) pengchung ah, phuhnih ah i ṭhen in rallam a sialtu ralhrang phu hna chung ah phukhat in hnukal ralhrang minung 16 cu Ṭhichait (ထီးချိုင့်) PDF nih anmah he aa naihnak hmun in an kah hna caah ralhrang minung 3 cu an zaam i a taang mi minung 13 cu cuka hmun ah cawlcang kholo in an um, cu chung in ralhrang minung 10 cu an thi lai, tiah Eagles Army HPDF phu nih nihin January 19 zanlei ah cathanh an chuah. Khit Thit Media

 

Theihternak : The Chin Post nih kan tialmi thawngpang le ca dangdang hna hi kanmah chimh hmasa loin zalong tein lak khawh a si ko. Asinain kan thawngpang le ca dangdang a la mi hna nih Credit: The Chin Post ti te hi kan tialpiak hram u. Cheukhat cu Credit an kan pek lengmang ko nain cheukhat cu an kan pe duh bak lo. Cun cheukhat cu thawng kan laknak media Credit kan pekmi lawng an langter fawn. Rethei ngai in kan tialmi kha fawitein tangka laknak ah nan hman khawhmi cu a tha tuk ko. Credit pek tu cu kan philh ti hram hlah law tiah kan in theihter hna.
Crd:The Chin Post

 

Thawngdang:Africa ram chung i a um mi,Ram pakhat,Ethiopian ram ti mi ah khin,Hlanlio an pi leh pu hna nih tuanbia pakhat bantuk i an ngeih i a tutiang i an chim i an ruah mi pakhat a um i,cucu,Siangpahrang Solomon thlah kan si,ti hi a si.

 

Ethiopian ram chung i tlangcung rawn ahcun,Atsma ti mi khua a um i,hi khua hi,Seba,tiin theih a si fawn.Serba an siangpahrang nu min cu,Matgada ti a si i,mitampi belte nih cun,Machera,tiin an chim.Israel nih cun,Mathada,tiin an ttial ve.

 

Culio hrawng ahcun,Siangpahrang in uknak cu kalpi a si i,Matgada,cu an siangpahrang a si.Hi lio ah hin Israel ram ah hin minthang siangpahrang,Solomon ti mi cu a um ve i,Solomon minthannak le a ropuinak kong cu,Siangpahran Matgada zong nih cun a theih i a mah hmuh duh le tlawn duhnak cu a ngei.

 

Cuticun,Siangpahrang,Matgada nih cun a mitthi le lalang pawl he lungvar man sung le Diman le sui a phunphun i ken in,Siangpahrang Solomon tong dingin ,Jerusalem khua panh in,Kalauk le rangleng tampi he an pawk hna.Jerusalem khuapi i a um mi,Siangpahrang Solomon nih cun,Lamhlapi in a mah tong dingin a kal mi,Serba Siangpahrang,Matgada cu lunglawmhnak he a rak dawn ve.

 

Serba Siangpahrang nu cu Jerusalem a phanh zan ah hin Solomon he hin i kawmhnak an ngei i,hi an ikawmh a zankhatnak ah hin taksa i dawtnak khur ah an luut ko rua hih.Hihi khuaruahhar a si hrimhrim lo,vawikhat i hmuhnak le itawnnak hin i duhdawtnak hi a chuak kho i,i duh khawh a si ti mi hi a dik mi bia a si.

 

Hihnu ah hin,Siangpahrang,Matgada le a mitthi pawl hna cu zeimawcan,Israel ram ah hin an caam i,Solomon he cun i duhdawtnak par cu a caam chung vialte cu an tlantti.Solomon nih hin ,Nupi tak 700 pinah nuchun 300 a ngei ko nain,Matgada cu a nupi tak,a nupi vialte hna lakah a sangbik mi nupi siding in a sawm ti si.

 

Solomon nih cun,Matgada cu nupi ca i ngeih dingah sawm hmanh seh,Matgada zong nih cun pasal caah duh ve hmanh selaw,a ram le a mipi hna chuahtak in Solomon cu pasal i ngeih kha ttha a ti lo,pasal i ka ngeih ahcun,ka mipi le ka ram mi hna nih,Pasal duh ruangah ram le miphun hlawtu ah an ka ruah lai ti a phan caah zungzal pasal ca cun ngeih kha re a ti lonak in a chimh.

 

An pahnih hi i ngei hmanh hna hlahselaw,an iduhdawtnak cu a san i par an tlanhtti caah an i duhnak theipar cu a chuak i,,Matgada nihi cun nau a ngeih i a min ah,”Monaliga,an ti.Monaliga cu,Ethiopian ram ah hin Siangpahrang hmasa bik a si tiah an ti.Caan a kal lengmang i,Etiopio ram chung i a miphun hna khi,Israel thlah an si tiah cohlan an si caah,Siangpahrang,”Matgada cu ,Etiopio ram i an Siangpahrang a si ko ti hi a si.
Crd:Tin Duh Thang

 

Thawngdang:Joela Malsawma,cu 17 January 2022 ah khan,Mizoram,Tuirial tiva kam ah hin dum siamnak a um i cu hmun ahcun,Joela hi rianttuan in aihlawhfa i,hi pawng ah hin a ruak hi hmuh a si i,a thih ning hi a ruak zoh ah hin a mah in a thi lo ti a fian caah a ruak a hmu mi hna nih cun,Police sinah an chim i police le khuatlang mi hna cu a hmun ah kal in thil sining cu an va fianh.

 

Police le khua mi hna nih cun a ruak cu an va hmuh i,hi misual pa,Tuikuk pa nih hin tamtong hin a remnak paoh ah hin a tuk chih thluahmah i,a kut he a taksa he,a hmai he cip dih tiawk in a tuk i a ruak hi a zoh ngam i an tlawm ngaingai,a ruang cu,a taksa hi zohchia taktak in tamtong hmang in a tuk caah a si.

 

Joela hi mi dum hngak a si i,Tuikuk te nupa hi,Joela thlam ah hin an va kal i,ei din zong ttha tein a peek hna i,cu thlam ahcun,Zu hna an dingtti i,Tuikuk pa nupi lebang hi cu a ri ngaingai i,a kal hmanh tthittha in a kal kho lo ti a si.Joela nih hin nau a ngei i a nau hi kum 16 tluk hrawng a si i,a nih hi cu zu ding lo mi a si.Hi kan unau pa thah a sining kong hi a tang ah hin Video in ka chiah i nan fiannak dingah ngeih chih dingin kan sawm hna.
https://youtu.be/1xo1qaoMCLw

 

News dang:Kan Tluknak In Kan Dir Tthan Lai I Kan Tho Tthan Lai.Minung hi lam kan kal tik ah maw kan thut tik ah maw,kan tluuk sual ahcun,kan tluuk lonak zawn in thawh khawh a si lo.Kan tluuknak zawn thengin kan thawh a herh.Pathian thinlung ah kan sual i,Pathian thinlung ah tthiam,a fa :Jesuh thawngin miding ah canter kan si.

 

Iraq ram cu,Saddam hussein nih ralkap hriamnam tthawnnak hmang in tthangkhat lian tluk uknak a laak i,a ram mittha le mifiim pawl zong an ram chungah,an ram le miphun tthanchonak tuah kho lo in,a mah uknak tangah an um i,a mah nawlngeihnak lonh phun i a cawlcaang mi paoh cu a fim thluahmah hna.

 

Pakistan ram cu “Pervez Musharraf nih rlkap tthawnnak hmang in a uk i kum 6/7 tluk a kalpi,ram mipi nih ralkap uknak in an ram kal kha an duhlo caah faakpi in dohnak an tuah hnu ah an ram mipi hna nih faaktuk in rawhnak an tawn hlan ah a president sinak cun an hlonh.Pakistan ram zong an tluuknak,Pervez Musharraf,ralkap bawi sinah an tho tthan.Cubantuk in,Iraq ram zong,Saddam sin i an tluuknak theng te in an tho tthan.

 

Note:Myanmar ram zong hi a tu ah,kan thil hrawh piak le kan mino hna thah piak in kan um i kan ngaih a chia ko,kan tluuknak le kan rawhnak ,Ralhraang pawl hi hlonh an si lai i,kan ram nih uknak ttha a zulh ve hrimhrim lai.A hlei in Chin miphun le ram caah hin thuh mi roa hmu chuak mi bantuk in kan miphun nih kan ram thengte ah caan kan hman caan a ra hrimhrim lai caah,lunglawm le thanua in,hmai ah nawr chin ko hna usih.Kai lawm.
Crd:Tin Duh Thang

 

Thawngdang:Ziah Rawl Ka Ei Ah Ka Rawl A Ttam Peng I Ka Tihal I Ti Ka Din Ah Ka Tihal A Hnga?Ka miphun hna,Kan Tlanval lio ah nungak duhtuk mi he i co lo lio ah ngaihchiatnak faakpi ka tong,cubantuk dedeng in,ka chawlehnak ah ngaihchiatnak fak bak mi ka tong thiam.Cuhnu ah,rianttuannak kongah ngaihchiatnak faakpi le lungrawhnak dedeng tiang ka tong fawn.Ram thum kalnak dingah Covid-19 ruangah kal chawm ding kal kho lo in taannak ka tong i lungrawk ngaingai in ka um.

 

Ngaihchiatnak le lungrawknak phun tampi ka tong,ka lung cu airawk i,lung nuamlo in caan zong cu ka hmang taktak ve ko.Cu ahcun pumpak ca ruah cun a dik bak fawn mi a si.A cung i ka ttial mi le ka langhter mi pawl hi,ziah cubantuk cun khua na ruah ti khawh ding khi ka si hnga lo.Zei ca ti ahcun,ka ton i ka tuar bak mi a si caah,a tong ve lo mi nih cun hnemh awk le awk lo nan pemh theng lai lo.Minung sinak,fimnak men cun,hnemhnak phun bia tampi a chuak kho i,ngeih khawh zong a sifawn.

 

Asinain,Ziah,ka miphun pasalttha le nusalttha hna nih a tu an nunnak,Chin ram le Miphun ca i an peek tikah,ka chuahpi ka unau zong a si lo mi nih an thihnak kongah ka thazaang nih cancer zawtnak ngei mi bang zaangzel le zaang tlunglo,zaang uar in a ka tuah hnga?Lungcan i peek awk a ttha lo,pacan kai cuh tiawk zong a ttha fawn lo i,ka taksa nih rul thah hnang bang ai longh len ko hnga???

 

Rawl cu tampi ka ei fawn,asinain,ziah ka khim khawh hnga lo,ka ti a hal tiin ti cu cuhlannak tampi ka din ko.Asonin ziah ka tihal a riamh khawh fawn hnga lo??Zei cudah rawl khim lo le tihal riamlo in a ka chiatu cu a si?”Ka aiawh in Chin ram le Chin miphun caah a dir i a nunnak tiang a liam mi hna,”CHIN Pasalttha le nusalttha hna,nanmah nih keimah aiawh in kan ram le miphun ca i nan nun nan peek mi thawngpaang ka rak theih caah hin a si.

 

Ka biak cung”Pathian,nangmah bochan in ka miphun hna nih kan ral cu kan dironh hna i,kan tei hlan tiang kan kalpi law,Israel miphun hna nih na sin i an sual tik ah miphundang hna kha sal i na tleihter hna lio ah khan,na sinah an rak i ngaichih i an sualnak na ngeihthiam hna i an ram na damter i sal an sinak in na chuah hna bantuk hin,CHIN miphun nih miphun dang sal i kan tannak chung hin a rauhhlan ah na kan chuah lai ti ka zumh caah ka hna a ngam i,na min zong kan thangthat.Thangthat a duh mi”Pathian,zungzal nunnak kan ngeihkhawhnak hnga fapa”Jesuh a kan pe siangtu nang nih cun,ziah miphundang sal cun na kan luatter sian lai lo ti ka zumh caah ka hna a ngam i,kan thangthat chin ko lai hih.Amen!!!
Crd;Tin Duh Thang