Fri. May 14th, 2021

Nihin hi vawleicung ram 15 ah Myanmar ralkap uknak duhlo langhternak tuah a si bantuk in Hakha khua zong ah mino tampi lam cung chuak in ralkap uknak duhlo langhternak an tuah kho. SAC ralkap le palik nih chun sml. 2:00 in Hakha Lansone le Pyidawthar in an orh hna nain buaibainak um lo tein lamzawhnak an lim.

Kareni ah Mino capacity building training a kai mi mino 70 cu April 30 ah khan ralhrangbu nih an tlaih hna tiah theih a si. Mah Mino pawl hi Pharusoe khua luhlai palek le rallokap pawl nih runvennak an laknak kutka hrial in lam dang in an kal lio ah tlaih an si- “Pharusoe khuapi lam hrialnak lam dangah an bawh i an tlaih hna i Mawtaw pahnih in an kal pi hna, kan ram chung mino pawl an si ko” tiah min tthup khuami pakhat nih a chim.

Mah mino hna hi Lweikaw le Dimawsoe peng mino hna an si i, tlangcung hriamtlaibu pakhat nih kum fatin (nipi) ah an tuah tawn mi Mino Capacity Building le Leadership training a va kai mi hna an si tiah minthup mi mino pakhat nih a chim. An tlaih mi mino hna hi May thla ni 1 zanlei ah Lweikaw thonginn ah an zohfel(စစ္ေဆး) lio a si tiah theih a si.

Kan hnu April thla a hnu bik zarah zongah Pharusoe khua chungah mino pahnih hna cu ralhrangbu nih an rak tlaih bal cang hna, a tu zong ralhrangbu duhlonak langhternak ah aa tel mi Mino hruaitu hna cu an kawl hna i an tlaih pah lengmang ko hna tiah khuami nih an chim.

By admin