Mipi Ralkap Nih Teinak An Hmuh Hih

Yesagyo Ah SAC Ralkap Le PDF Kahdohnak A Chuak, SAC Ralkap 4 An Thi.Magwe ramṭhen, Yesagyo peng ah inn a khaangtu SAC ralkap hna le tualchung hriamtlai phu hna cu nihin May 12 zinglei ah an i kap, tiah theih a si. SAC ralkap hna cu May 11 zinglei ah Yesagyo pengchung NanOo khua ah zaan an riak i, nihin May 12 zinglei ah nichuahlei Taung khua ah rallam sial in, khuachung inn an hrawh lio zinglei suimilam 9:00 hrawng ah kahdohnak a chuak, tiah Yesakyao PDF in hruaitu Hmai Tae Zah nih a chim.

 

Kahdohnak cu a rau lo nain SAC ralkap 4 an thi i, Tualchung hriamtlai phu lei cun hliam tuar an um lo, tiah theih a si. Rallam a sialtu SAC ralkap hna hi Sagaing ramṭhen in Magwe ramṭhen ah a phan mi an si. Ral tu ding nakin mipi hrem i, harsatnak pe ding in le khuachung inn khaang ding in timhtuahnak he a ra mi an si, tiah Hmai Tae Zah nih cun a chim chap.

 

SAC ralkap hna cu Yesagyo People’s Defense Force battalion 2 le KNT pah-kah-phah phufonh nih an kahdoh hna, tiah theih a si. Rallam sialtu SAC ralkap hna cu a luancia caan zong ah Yesagyo peng khuachung ah voi tampi rak lut in, mipi umnak inn an hrawh i, sui le mansung thilri leng ah thilri dang zong an fir hna, tiah tualchung mi nih an chim.

 

May 9 le 11 ah Yesagyo peng, Yelaykyun (ရေလယ်ကျွန်း) ah SAC ralkap le tualchung hriamtlai phu hna cu an i kap i, sniper kahnak in SAC ralkap 3 an thi, tiah MG 6 pah-kah-phah phu nih an thanh.
Crd:TCP

 

Lashio-Muse Lampi Kahdohnak Ah SAC Ralkap 20 An Thi + Htirih Sakhan Ah 20 Hrawng Ṭhiam An Thi.Shan ram Muse(မူဆယ်) peng, Lashio-Musae lampi ah private motor he a kal mi SAC ralkap hna cu PDF phufonh nih an kah hna i, SAC ralkap 20 an thi, PDF in minung 2 an nunnak a liam, tiah People Security And Defense Army – Muse nih an thanh.

 

May 4, zaanlei suimilam 5:40 ah Lashio-Muse motor lampi ah SAC ralkap khah-mah-yiah 241 le khah-mah-yiah 420 hna cu private motor 5 in Muse lei an kir lei Maungtaw(မော်တောင်း) khua le Talung (တာလုံ) khua kar ah Muse PSDA le tualchung hriamtlai phufonh hna nih an kah hna, tiah theih a si. “SAC ralkap lei a thi mi 20 le hliamhma tuar mi 4 an um. Kanmah lei in minung 2 nunnak a liam i, 3 nih hliam an tuar,” tiah PSDA chungtel pakhat nih a chim.

 

Htirih SAC ralkap Sakhan Kahdohnak Ah SAC ralkap Bawi Tel in 20 Hrawng An Thi!: Shan-Kayinni aa tonnak Mubae nichuahlei Htirih(ထီရိ) khua ah umhmun khuar mi SAC ralkap sakhan cu nihin May 12, zinglei ah Kayinni ralkap phufonh nih luhhnawh in an kah hna. SAC ralbawi tel in minung 20 hrawng an thi i, a nung in 5 an tlaih hna lengah hriamthil zeimawzat an laak, tiah Phaekhung PDF battalion 2 nih an thanh.

 

Htirih (ထီရိ) khua ah umhmun khuar mi SAC ralkap sakhan cu Phaekhung PDF battalion 2 le KNDF battalion 3 phufonh nih an kahdoh hna, tiah theih a si. Htirih (ထီရိ) khua SAC ralkap sakhan cu khualtlawng motor le thilphor motor hna sinin chekhlatnak le phaisa hal an tonnak gate pakhat a si caah motor tam deuh nih cun cuka lam cu an hrial tawn, tiah tualchung mi nih an chim.
Crd:TCP

 

NUG Foreign Minister Le US Deputy Secretary Tonnak An Ngei Lai.National Unity Government in Foreign Minister, Daw Zin Mar Aung le US Deputy Secretary of State, Wendy Sherman hna cu nihin May 12 zaan suimilam 8:30 (Myanmar Time) ah an i tong lai, tiah NUG nih a thanh.

 

Daw Zin Mar Aung hi US foreign minister tong ding in le ASEAN hruaitu hna tong ding in US ah a um lio a si. ASEAN hruaitu hna cu US-ASEAN summit, May 12-13 tiang ngeih ding mi ah meeting kai ding in Washington khuapi an tlawn lio a si. Tutan US-ASEAN summit ah hin ASEAN chungtel a si mi Myanmar hruaitu SAC leader Min Aung Hlaing cu hnon a si.
Crd:TCP

 

Lashio-Muse Lampi Kahdohnak Ah SAC Ralkap 20 An Thi + Htirih Sakhan Ah 20 Hrawng Ṭhiam An Thi.Shan ram Muse(မူဆယ်) peng, Lashio-Musae lampi ah private motor he a kal mi SAC ralkap hna cu PDF phufonh nih an kah hna i, SAC ralkap 20 an thi, PDF in minung 2 an nunnak a liam, tiah People Security And Defense Army – Muse nih an thanh.

 

May 4, zaanlei suimilam 5:40 ah Lashio-Muse motor lampi ah SAC ralkap khah-mah-yiah 241 le khah-mah-yiah 420 hna cu private motor 5 in Muse lei an kir lei Maungtaw(မော်တောင်း) khua le Talung (တာလုံ) khua kar ah Muse PSDA le tualchung hriamtlai phufonh hna nih an kah hna, tiah theih a si. “SAC ralkap lei a thi mi 20 le hliamhma tuar mi 4 an um. Kanmah lei in minung 2 nunnak a liam i, 3 nih hliam an tuar,” tiah PSDA chungtel pakhat nih a chim.

 

Htirih SAC ralkap Sakhan Kahdohnak Ah SAC ralkap Bawi Tel in 20 Hrawng An Thi!: Shan-Kayinni aa tonnak Mubae nichuahlei Htirih(ထီရိ) khua ah umhmun khuar mi SAC ralkap sakhan cu nihin May 12, zinglei ah Kayinni ralkap phufonh nih luhhnawh in an kah hna. SAC ralbawi tel in minung 20 hrawng an thi i, a nung in 5 an tlaih hna lengah hriamthil zeimawzat an laak, tiah Phaekhung PDF battalion 2 nih an thanh.

 

Htirih (ထီရိ) khua ah umhmun khuar mi SAC ralkap sakhan cu Phaekhung PDF battalion 2 le KNDF battalion 3 phufonh nih an kahdoh hna, tiah theih a si. Htirih (ထီရိ) khua SAC ralkap sakhan cu khualtlawng motor le thilphor motor hna sinin chekhlatnak le phaisa hal an tonnak gate pakhat a si caah motor tam deuh nih cun cuka lam cu an hrial tawn, tiah tualchung mi nih an chim.
Crd:TCP

 

Hakha peng kahdohnak ruangah khuami 4,000 leng an zaam.2022 May 7 – Chin ramkulh, Hakha peng, Dokthek le Chunchung khua karlak ah SAC ralkap le CNA/CDF hna May 3 in May 5 tiang a cangmi kahdohnak ruangah mawtaw lam cungah a ummi Chunchung, Dokthek, Ramthlo, Tlangzaar le Taal khuami 4,000 leng in le lo kaltak in himnak hmun ah an zaam tiah theih a si.

 

SAC ralkap pawl an rat bak in kan zaam cang, khua pawngah kahdohnak a can tikah kan tih tuk i ram tangah kan zaam. Khua kan zaamtak hnu tlawmpal ah kan inn pawl an khangh colh, ramtang in hmuh khawh a si” tiah khuami pakhat nih RFA ah a chim.

 

SAC ralkap pawl nih an khangh ruangah Ramthlo khua May 4 ah inn 10, May 5 Tlangzaar khua ah inn 16 tiah a zapi te inn 26 a kaang tiah a chim.Tulio caan hi Chinram ah ruah a sur tawn i ruah khamnak tel loin ramtang ah a zaammi hna caah harnak an tong tiah a khuami hna nih an chim.

 

SAC ralkap nih thongtla 15 phor in mawtaw 27 le tanks 2 he Hakha khua in Kalay lei an kal lioah CNA, CDF phufonh nih an rak kah hna.Kahdohnak chungah SAC ralkap 18 an thi i, mipi hriamtlai minung 10 an nunnak a liam tiah theih a si.

 

Chin Affairs Federation cazin ning ahcun, SAC ralkap nih hramhram im uknak a lak hnu thok in Chin ramkulh ah a cangmi kahdohnak pawl ruangah khua 313 in khuami 100,000 leng nih inn le lo an zaamtak tiah theih a si.Cu chungah, 60,000 hi ram chungah an zaam i a taangmi 40,000 hi Mizoranm ah an zaam tiah theih a si.
Editor
The Chinland Post

 

India phan ralzam 39,150 chung ah 3,197 nih UNHCR sin ah humhimnak an hal.2022 May 9 — Ramkomh Kawlram buaibainak ruang ah India ram ah a zam i a phanmi dihlak hi 39,150 an phan cang tiah UNHCR nih May 4 ah thanhnak a tuah.Cuchung ah, a tlawm bik 3,197 hi UNHCR Delhi zung ah an kal i, Ralzam (refugee sinak) an hal, UNHCR sin ah pehtlaihnak an kan tuah tiah UNHCR nih thla fatin an chuahmi ripawt in theih a si.Hi ralzam chung in UNHCR Delhi sin ah pehtlaihnak a tuahmi ahhin, 298 cu kum tling lo an si tiah UNHCR nih a langter.

 

UNHCR ripawt chuahmi ning ah, Ralzam a tam deuh hi Mizoram ah an um. Zatuak 65 (%) tluk hi Mizoram i khuate ah siseh, chungkhat sinah siseh, hawikom sin ah an um i, a dang zatuak 35 (%) tluk hi khuami le cozah nih bawmhnak in sermi ralzam dornak hmun ah an um tiah theih a si.

 

Atu bantuk in, Chin miphun le a dang Kawlram mi pawl nih Mizoram ah zalong tein dornak a petu hi miphun le unau tanhnak lungthin a ngeimi central nih a hruaimi party a silo mi Mizo National Front (MNF) an si caah a si tiah central cozah New Delhi khuaruahning a theihmi nih cun, an ruahnak le hmuhning an chim.

 

UNHCR Delhi nih an si khawh chung in an izuamnak le riantuanti phu simi BOSCO tbk. he ralzaam caah an cawlcanghnak an langhter. UNHCR nih cun, Ralzam a rak phanmi kum tling lo nih hin, kanmah telawng in kan rak ra, chungkhat le cingla sin ah kan i benh tiah an chim timi zong a langhter chih fawn.

 

Nihin tiang ah Ramkomh Kawlram pumpi ahhin, Ralzam 937,000 tluk um a si cang i, cuchung ah 590,000 hi February 1 Ralkap nih hramhram nawlngeihnak lak hnu in a zaammi an si. Cun, 59,000 tluk hi Innpa ram a simi Thailand le India ah a zaami an si, tiah UNHCR nih cun a langhter.

 

Atu bantuk in, UNHCR Delhi zung ah Ralzam sinak (refugee status) halnak kong he pehtlai in, Ralzam dirkamhnak ah caan saupi a cawlcangmi nih, humhimnak tiang a simi RSD card (refugee sinak card) tiang cu an pek zong an pek ko men hna lai, nain Ramdang lanhnak bel hi cu a har lai dah, a ruang cu Delhi ah caan saupi a hngak cangmi hna le UN le Embassy nih kal ding na si cang tiah an timi tampi zong nihin tiang ah India cozah nih chuahnak nawl (exit permit) a pe duh hna lo tiah an hmuhning The Chinland Post ah an langhter. Asinain, UNHCR nih, humhimnak a pek hna ahcun, cucu lawmh bik ding cu a si ko tiah an lungum an pehchap.
Editor
The Chinland Post