Sat. Jun 12th, 2021

Nihin May 13 thawk in Mindat peng chung ah ralkap uknak phung (Martial Law) hman ding in SAC nih nawlpeknak ca a chuah, tiah tu zaan sml. 8:00 ah MRTV nih a chim. May 12 zanlei in CDF-Mindat le SAC ralkap karlak biaruahnak a rawk i cu caan thawk cu atu tiang kap hnih karlak pehzul in kahdohnak a um. CDF-Mindat lei in kum 18 tlang Than Hung Thang a nunnak a liam. SAC ralkap lei zong in a thimi an um an ti nain fiang in theih a si rih lo. | Credit: The Chin Journal

Nizaan in aa thawkmi Mindat-CDF le SAC ralkap kahdohnak ah Mindat-CDF lei in Salai Thang Hung Thang a nunnak a liam, tiah kan theih. SAC ralkap nih Mindat he meng 18 hrawng a hlatnak Kyaukhtuh khua in 155 MM miakpi in an kah hna caah Salai Thang Hung Thang hi a nunnak a liam i a dang minung 4 hliamhma an pu hna. Hliamhma a pumi minung 4 hi a zualhma cu an si lo i thinphan awk a um lo.

Mindat ah SAC ralkap he hmaitonh ngaingai in an i kap lo i, a lang tu in SAC ralkap nih miakpi in pehzul in an rak kah hna. SAC ralkap nih an tlaihmi Mindat khuami minung 5 an thlah hna lo caah Mindat-CDF le SAC ralkap karlak biaruahnak cu May 12 ah a rawk i, cu caan thawk cun kahdohnak a hun i thawk tthan hi a si. | Credit: The Chin Journal

Pu Phir Mawng: CDF Sinah Theihternak Le Fianternak

Keimah Pu Phir Mawng cu Laitlang bawi pawl sinah CDF cawlcanghnak thawngpang a pek hna tiah Statement nan chuah caah cu bantuk riantuantu ka si lonak kha a tanglei bantukin theihternak le fianternak ka tuah.

(1) Keimah cu CDF cawlcanghnak le nan tuahmi ka hmu in ka hngal lo. 

(2) Ka hngalh lo bantukin chimphuan awk ka ngei lo.

(3) Miphun rawitu ka si bal lo i hmailei zong ah ka si lai lo. 

(4) Lunghrinhmi ka si ahcun ralrinnak nan ka pek hmasa ding a si.

(5) Nan ka puhnak nithla, a caan, a hmun nan ka chimh awk a si. 

(6) Pumpak a ka duh lomi nih ka chungkhar he thi dih dingin an ka tuahmi kha CDF nih nan dirpi ding a si lo.

(7) Hi nan ka puhmi hi ka si lo ti hi Bawipa nih a ka hngalh.

Pumpak a ka duh lomi rawiphiarnak kha CDF statement ah mi tampi rel awk in cathanh nan chuah caah ka ngaihchiatnak ka langhter. | Credit: Phir Mawng

By admin

error: Content is protected !!