Min Aung Hlaing Le A Uico Pawl Ruangah Rampi Tampi Tleih An Tong

Thailand Ah Myanmar Rammi 153 Tlaih An Tong, Nu 10 Cu Ramlak Ah An Hlonh Hna.January 17, 2022.Myanmar in Thailand ram ah phungning loin a lut i rian a ṭuanmi Myanmar rammi 153 cu Kanchanaburi peng chungah tlaih an tong tiah Migrant Times nih a ṭial. Kanchanaburi pengkomh thawnglatu hna thawngthanhnak in Thai palek le ramri hngak ralkap hna i bawm in Myanmar rammi pa 80, nu 70 le anmah hruaitu minung pathum hna cu mawṭaw pathum he Kanchanaburi pengkomh peng (myone) pathum chung i hmun 8 ah an tlaih hna tiah theih a si.

 

Ṭha tein an chek hna tikah an ngandamnak a ṭha dih. Hi an tlaihmi hna hi Dawei, Bago, Rakhine, Mawlamyian le Rangoon in a rami an si. Thailand ah an kal khawh nak dingah hin Agent (puaisa) sinah Baht (Thailand tangka) 16,000 in 22,000 tiang kan pek tiah an chim.

 

Cun Jan 16, nizan 9:00pm hrawngah Kanchanaburi pengkomh Salakpra ramhual zohkhenhtu pakhat nih ramhual chung aa chawhnak ah lamkam i burbuk lakah hlonh a tongmi Myanmar rammi 10 a hmuh hna tiah theih a si fawn. An tlaihmi hna cu upadi ningin tazacuai ding le Myanmar ah tlunter ṭhan dingin palek sakhan ah an hren ko hna tiah Migrant Times nih a langhter.

 

Theihternak : The Chin Post nih kan tialmi thawngpang le ca dangdang hna hi kanmah chimh hmasa loin zalong tein lak khawh a si ko. Asinain kan thawngpang le ca dangdang a la mi hna nih Credit: The Chin Post ti te hi kan tialpiak hram u. Cheukhat cu Credit an kan pek lengmang ko nain cheukhat cu an kan pe duh bak lo. Cun cheukhat cu thawng kan laknak media Credit kan pekmi lawng an langter fawn. Rethei ngai in kan tialmi kha fawitein tangka laknak ah nan hman khawhmi cu a tha tuk ko. Credit pek tu cu kan philh ti hram hlah law tiah kan in theihter hna.
Crd:The Chin Post

 

Thawngdang:Hringtu Pa Nih A Fanu Kum 11 Mi A hah.India ramthen a si mi,Manipur State,Saikot khua inn 700 tluk umnak khua i a um mi ,”Pu Zasinga nih cun a fanu ,Hezil Nianghoimoi, kum 11 cu 16 January 2022 chun ah khan a zuanhnawh i a mah fanu a si ko bak mi cu a thah tiah theih a si.

 

A Fanu a thah ning a tlangpi cu tihin a si.Pathian ni 16 January 2022 chun ah khan a pa le a fanu cu a pa a u te inn ah hin an leeng i,cuka ahcun meiphu an kau mi cu an to,a pa cu hmundang ah tlawmpal a kal i,a fanu sin ahcun a va kal tthan i,mi nih thah an ka timh tiah a pa nih cun a fanu cu a ti.

 

Cucu a fanu nih moble a tongh lio a si caah a pa nih a chim mi cu a let lemlo,cu le caangka Bike pawng i thir thluan a um mi cu a pa nih cun ailaak i a fanu cu a tuk i,a fanu i a upa kum 13 tluk hrawng nih cun a pa nih a farnu a tuk mi kong cu a chimh i,a pa u le a fapa nih cun a pa cu an tleih i police sinah an chim.

 

A fanu cu a thih cawlhlo caah sizung ah an kalpi cawlh,asinain,a hliam a fahtuk caah a nunnak a liam.A pa hi police nih an tleih i lockup ah an chiah ti a si.A ruak hi 16 January 2022 zanlei ah khan an khua thlanmual ah an vui ti a si.A tu a fanu a thattu pa le a nupi nih hin fa 3 an ngei i an fa upa bik kum 16 tluk hi a n nih,Delhi ah ai umpi,an nupa hi an itthennak kum 10 tluk a si cang an ti.Hi pa nih hin a fanu hi a dawttuk mi a si ko ti si,a tu a fanu a thah hmanh hi ai thei lo ti si.

 

A fanu a thattu pa hi naihrawng hin cun a thluak a buai mi bantuk in a um,zu a ding lengmang mi a si i,ni hnih khat hi zu dinglo in a um i,hiruang ah hin a thluak buainak kha a chuah hi a si kho an ti.A tu ah hin a nupi a tthen cang mi cu,Delhi ah hin i hlawhfa in a um lio a si e,an ti.

 

Thawngdang:Na Thawngtheih Cu Zanmang A Hluan E…!!Ka Pu Van Kam(Nawl Cungpa)Ka Pu Van,” nang cu Pathian nih an dawt i,na notuk rih le kum tampi na kan nunpi ko lai hih tiah,ka rak tlun lio ah khan ka rak in ti i,nang zong nih,Paduh,a sibak,saupi ka nung ko lai,ka ngandamnak a ttha ko,a tu lebang cu kha tluk in kuak a ram mi,kaihngilh kar le rawl ka ei le kai pumh lawngah a zu lo mi kuak hmanh,Bawipa ka zumhnak ruangah ka zu ti lo na ka ti.

 

Ziah,a tu na kuah thawng hmanh kan theih ttung lo,kan theih mi cu,a kan liamtaak ti pei a si ko ne hi,a poi hringhran ko,minung kan nunnak caan chim chungawk a thatlo ning le nunnak hi kanmah ta a si loning hi aw!Tantak mi khua mi dihlak le chungkhar,”Bawipa nih kan hnem cio koseh.

 

Na Chuah semnak Hmunlipi khuazung nih na zuun a tuar i,khuptthi lenpi hawi sinah na bau ruangmang cang lai,khuachuah hauhnar lungrawn khua ah nangmui leng ti lai lo,run inn chungah bau ser cang in,semmawng rual le thaisung hna nih inn khar tung tleih in cuan len hna,zadawmh manh lo,na liam siaherh ve ko lai mu!Ka Pu Van.By.Tin Duh Thang

 

Thawngdang:Chin ramkulh ah Kalaymyo in a rak kaimi SAC ralhrang motor rual cu mipi ralkap fonhmi phu nih an rak kah hna caah SAC ralhrang (10) tluk an thi tiah Civic Defence Militia (CDM) Siyin nih cathanh an chuah.

 

January 17 zinglei sml 10:00 hrawngah Chin ramkulh le Kalaymyo pehtlaihnak lampi in thazaang chap dingah a rak kaimi SAC ralhrang ralkap motor ngan (3) le hriamnam bunhmi motor hme (2) hna cu CNA, CDM Siyin, PDF Zoland, Zogam Army le CDF-KKG hna nih an kah.Cucaah SAC ralhrang ralkap hna cu kal an i timhnak hmunah kal kho ti loin an kir than tiah CDM-Siyin nih a chim.

 

SAC ralhrang nih Chin ramkulh cu control dingin tu thla hramthok in thazaang chapnak siseh a biapi deuhnak hmun paohpaoh ah sakhan tuah in control ding aa zuam.Asinain Chin ramkulh chung luhnak lampi simi Sagaing ramthen Kalay peng le Maggui ramthen Yaw hmunhma ahcun vawi tampi lampi in kahdoh an tong lengmang.

 

January 13 zongah khan Kalaymyo in a rak kaimi SAC ralhrang 100 lengkai hna cu mipi ralkap fonhmi phu nih an kahdoh caah ralhrang (7) an thi bal tiah People’s Spring nih a tial.
Crd:The Federal Times

 

Newsdang:Tamu PDF Nih Ralhrang Thilchuah Hmang Lo Dingin Cathanh An Chuah.January 17, 2022.Sagaing ramthen Tamu pengkomh chungah ralhrang phu hna nih an chuahmi thil hman ah cun fak piin hmalak nan si lai tiah People Defense Force Tamu battalion 3 nih January 16 ah cathanh an chuah. Mipi ralkap phu hna nih mipi sinah nawlnak an tuah mi cu ralhrang phu thil chuahmi cawk lo ding le hmanlo ding in nawl an chuah i , cu nawl a zullo mi hna cu fak piin hmalak nan si lai” tiah Tamu PDF battalion 3 in rianngeitu pakhat nih a chim.

 

Ralhrang phu dirkamhnak le bussiness caah chuahmi thilri hna cu Myanmar beer, Dagon beer, Mandalay beer, Andaman Gold beer, Red Ruby kuak le Premium Gold kuak hna cu phurh in a cawtu hmuh nan si ah cun fak piin hmalak nan si lai tiah PDF battalion 3 nih cathanh an chuah. Cun ralhrang phu hna nih Tamu pengkomh chungah private motor, khualtlawng motor hna le, Kee 12 ngei motor ngan hna cu hmang in cawlcanghnak an tuah caah khualtlawng mipi hna he palhsual in kahnak a umsual naklo ding caah khualtlawng mipi hna nih khual nan tlawn tik ah motor thlalang thlak in kalding ah an cathanh chungah an langhter chih. Tamu mizapi vengtu ralkap battalion 3 le ralhrang phu kar kahdohnak ah ralhrang phu lei a thi an tam, cun ralhrang hriamthil zong an lakkhawh tiah theih a si.
Mizzima/The Chin Post

 

Thawngdang:Pathein NLD Zungchung Chiahmi Manfak Thilri Firpiak An Tong.January 17, 2022.Ayarwady ramthen Pathein palik sakhan, ramthen meithat zung pawng ah um i, ralhrang phu nih an phih khar mi Pathein peng NLD zungchung ah chiahmi manfak thilri hna cu firpiak an tong tiah party chungtel hna sin in theih a si. Zung chung ah bunhmi air-con, computer, TV telh in manfak thilri hna cu phawngh in fir piak an tong,cu fir piakmi thilri hna cu ting 250 man hrawng a si lai tiah theih a si.

 

Pathein khua NLD zung cu nawlngeihnak la tu ralhrangphu hna nih an phihkar mi a si caah mipi hna le party chungtel hna cu, cu ka zung ah lut chuak lo in an umnak caan a sau cang.2021 October 29, zinglei suimilam 3:00 hrawngah Pathein peng NLD zung ah puahkehnak a chuak i cu puahkehnak cu ralhrang phu hna nih an tuahmi a si tiin Delta News Agency nih fehternak he a rak langhter bal cang.
Delta News Agency/The TCP

 

Thawngdang:Kan Tluknak In Kan Dir Tthan Lai I Kan Tho Tthan Lai.Minung hi lam kan kal tik ah maw kan thut tik ah maw,kan tluuk sual ahcun,kan tluuk lonak zawn in thawh khawh a si lo.Kan tluuknak zawn thengin kan thawh a herh.Pathian thinlung ah kan sual i,Pathian thinlung ah tthiam,a fa :Jesuh thawngin miding ah canter kan si.

 

Iraq ram cu,Saddam hussein nih ralkap hriamnam tthawnnak hmang in tthangkhat lian tluk uknak a laak i,a ram mittha le mifiim pawl zong an ram chungah,an ram le miphun tthanchonak tuah kho lo in,a mah uknak tangah an um i,a mah nawlngeihnak lonh phun i a cawlcaang mi paoh cu a fim thluahmah hna.

 

Pakistan ram cu “Pervez Musharraf nih rlkap tthawnnak hmang in a uk i kum 6/7 tluk a kalpi,ram mipi nih ralkap uknak in an ram kal kha an duhlo caah faakpi in dohnak an tuah hnu ah an ram mipi hna nih faaktuk in rawhnak an tawn hlan ah a president sinak cun an hlonh.Pakistan ram zong an tluuknak,Pervez Musharraf,ralkap bawi sinah an tho tthan.Cubantuk in,Iraq ram zong,Saddam sin i an tluuknak theng te in an tho tthan.

 

Note:Myanmar ram zong hi a tu ah,kan thil hrawh piak le kan mino hna thah piak in kan um i kan ngaih a chia ko,kan tluuknak le kan rawhnak ,Ralhraang pawl hi hlonh an si lai i,kan ram nih uknak ttha a zulh ve hrimhrim lai.A hlei in Chin miphun le ram caah hin thuh mi roa hmu chuak mi bantuk in kan miphun nih kan ram thengte ah caan kan hman caan a ra hrimhrim lai caah,lunglawm le thanua in,hmai ah nawr chin ko hna usih.Kai lawm.
Crd:Tin Duh Thang