Korea ah Laimi tlangval pahnih Tiva ah an tla, Emergency in Sizung ah an chiah hna lio a si

Korea ah a um mi kan mah Laimi minung pahnih cu Ti an i kholhnak ah Tiva ah an tla sual i lungfim loin an um caah Sizung ah Emergency in tlik pi an si i a tu tiang zong lungfim loin an um rih ko tiah theih a si.

Hi thawngpang kong he pehtlai in Saya Cung Bawi nih a tlanglei bantuk hin a langhter ning a si. Thlacamnak zong in bawm cio hna uh sih law Pathian nih an nunnak khamh hram hna seh.

Saya Cung Bawi nih a tial ning cu a tanglei bang in a si. S.Korea ram Gangwon-do (강원도) Chuncheon (춘천) ah Cinthlak/ dum lei rian a tuanmi Falam kan hawi le Pa Nung Piang (Kum-24) le Pa Kim Tham Mawi ( Kum-19) cu tuni August 29.2020 zanlei 3:30 hrawng ah an rian tuannak kam tiva ah an hawi le Kawlmi pakhat pahnih he ti an i liohnak ah ti ah an thla tiah thawng kan theih. Kawl an hawipa pakhat chimnak ah Pa Kim Tham Mawi (19) hi ti ah a thla hmasat i a hawi Nung Piang nih a va chanhnak ah a thla chih ve i a lio ve mi Kawl kan nau pakhat le leng i a ummi an hawi pakhat nih a an chanhchuah hna nain sau ngai rauh dawh an si i an pahnih in lungfim loin an um caah emergency mawtaw in sizungah an teh pi hna. Ti ah a tlami pahnih chungah Pa Nung Piang cu a tha ngaingai cang nain Pa Kim Tham Mawi belte a tu tiangah cun sehhmang in a thaw an chuahter i Emergency room ah an hngah lio a si. Thlacamnak in thei hna u sih. A tu nai tiang an boss pa he kan i chawnhnak a si. Thaizing lei thawng dangdang thanh khawh than kan vun i zuam rih lai.

Hellen Pa

Juan Myanmar Fellowship

Incheon

Be the first to comment

Leave a Reply

Your email address will not be published.


*