Kan Ilawm:Salai Ngun Sang Aung,”Nang Le Kei Cu Tahchunh Ding Kan Si L0

Salai Ngun San Aung nih Pu Zobawi kong a tialmi a delete cang caah kei zong zahan ka catialmi ka delete ve cang. Hmailei ahcun kan pahnih in a herh lomi ca tial kan i sum cang lai, miphun caah kanmah pahrang cio hmang in rian a tuanti ding tu khi kan si.

See the source image

 

Salai Ngun San Aung cu keimah he tahchunh phu a si lo, kei cu kawl than khawhmi chawva tlawmpal kha miphun caah ka pek tawnmi lawng a si. Anih cu kawl than a ngah lomi a nunnak tiang miphun caah pek ding ai ready mi pasaltha a si.Kan i dang tuk.

See the source image

 

Cucaah, Salai NSA le ramtang kan unau hna cu keimah lawng si loin kan miphun nih a sang bik upatnak kan in pek zungzal ko hna, a chel ah i mawhchiat caan zong a um ko lai nain.
Salai Lungthlitum

See the source image

 

Thawngdang:Chin Ralzaam pawl Donnak/Dinhnak Hmunhma Bawinu Tiva Kam ah Mizoram lei nih Tha tein an Ser.Chin ramchung (abikin Thantlang) in ralzaam an karh hnu ah ralzaam pawl ttha rein don nakding ah Mizoram lei Bawinu Tiva kam ah ralzaam donnak le dornak hmunhma Mizoram lei nih ttha tein an tuah.

 

A tanglei hmanthlak hi Lawngtlai District, Pangkhua pawng, Bawinu Tiva kam ah an tuahmi ralzaam dohnak hmun le chikhat dinhmun an sermi a si.

 

Bual Peng Lei Ralzaam ca ah Thawngthanh.Bual peng lei in Mizoram ah a zaammi hna nih Tipi ah Pu Hmun Sang pehtlaih i amah nih alak in tilawng in an phorh hna lai.

 

Asinain, Motorcycle le Sumdawng thilri pawl cu ahlan rate ning in man liam a si lai. A tanglei Phone ah Pu Hmun Sang pehtlaih khawh a si:
Phone: +918414908536
The Chin Journal
September 16, Thantlang

 

Thawnf dang:PDF nih an in kah hna tik ah SAC ralkap Nupile zong nih hriamtlaih in doh ve ding tiah nawlpek.September 16| SAC ralkap lutlai hna nih an tanglei minung pawl cu PDF nih an in kah hna tik ah nan Nupile zong meithal tlai ve hna seh, do ve hna seh tiin nawl an pek hna tiah theih a si.Ralkap pawl nupile hi anmah ralkap chung ahcun Nu-Palek (Ye-May) tiin an auh hna i cu hna pawl zong nih hriamtlaih ve ding Telegraph (Ce-naan) in nawl an pek hna.

 

Hi Ce-naan thawngthanhnak hi September 14 ah an chuah/kuat mi hna a si. Nichuah Thlanglei Ralkap Zung (Southeast Military Headquarters) tang um mi pawl PDF nih an doh lai tibantuk thawngpang a leng mi kong ah atu bantuk ralrin peknak le nupile tiang meithal tlaihter ding nawl an chuah hi a si.

 

“Nu Palek (Ye-may) taktak a si lo mi SAC ralkap nupile meithal tlaihter ti mi cu ralkap phungbuar a si. Ralkap nupi timi cu rammi mizapi a si. Hramhram in hriamtlaihter ding an si lo. I khamnak vampang bantuk men ah an hman hna tinak a si. Cucaah hi bantuk nawlpeknak hi SAC ralkap chungkhar hna le an nupile nih an theihfian a herh i an al awk a si. Mahle covo an ngeih zong an hngalh awk a si,” tiah CDM a tuah mi Bogyi Nyi Thuta nih a chim.

 

SAC lutlai hna nih an kuttang minung pawl ralram hmaisuang an kalter hna lio ah an hnulei in duh zong duhlo zong ah an nupile nih chunzaan meithal i tlaih in ral an doh tluk a si, tiah Mizzima nih a tial.Ralrin peknak: Laica kan leh mi thawng hi source pin ah Laica credit (Laica-The Hakha Times) pek na duh tung lo ahcun rak hmangchin ti hlah! Nangmah tein rak i leh ve, tiah kan in theihter than.
Crd:The Hakha Times

 

Thawng dang:Dalaan ruang ah SAC ralkap nih Ko Min Min a nun bu in meikhangh, kum 14 pakhat thah.Magwe (Magway) Ramthen Myaing Peng Ayechantha Sanpiah khua, September 14 lio ah meithal kuanfang hman a tuar mi Ko Min Min cu SAC ralkap nih a nun bu in mei an khangh, kum 14 pa Mg. Tun Myint zong an thah i khuami 10 renglo an thah hna tiah theih a si.

 

September 14 zinglei ah SAC ralkap nih Ayechantha khua cu RPG in an kah. Ko Min Min @ Thet Naing Min cu ake ah an khen i a zaam khawh ti lo caah a nun buin mei an khangh. Kum 14 Mg. Tun Myint cu a thicolh.

 

Dalaan nih PDF an um tiin a chimh hna i SAC ralkap pawl nih RPG voi 3 an kah hnu ah khuachung an hung lut. Ko Min Min cu a zaam kho ti lo. Minung kan i check tik ah kum 25 a si mi Ko Min Min cu mei in an rak khangh,” tiah khuami pakhat nih a chim.

 

SAC ralkap 200 hrawng cu Ayechantha le a pawngkam khua 7 ah an lutchuak i khuami 10 renglo an thah cang hna, tiah Khit Thit Media nih a tial.PDF nih an in kah hna tik ah SAC ralkap Nupile zong nih hriamtlaih in doh ve ding tiah nawlpek
Crd:The Hakha Times