Ka Chin Chief Minister Hi Ngun San Aung Nak In Fihnung Deuh Zoh Ko U Khah

Kachin an CM Khet Nang zong hi kan CM Ngun San Aung bantuk a rak si ve. Hawi kan thi lai maw kan nung lai dah ti lio le kan mithli a tlaak cuahmah lak ah sunglawi tak in MAL a don i conglawmhnak a tuah ko.

May be an image of 3 people, people sitting, people standing and indoor

 

Ralkap thluak : khat lei biatak te kah a timh cun khat lei he naihniam tein um..Hriam tlai a tei lo poh ah mipi thah le nawn inn khangh. Zahan kan tonmi thil hi thilthar asi lo Karen pawl nih kum tamtuk an rak tuar cangmi si.
By.Tluang Ceu Thang

May be an image of one or more people and people standing

 

Na chuahnak run-inn cu chuahtaak in ,ka ttang nem in nai tthen i,na nun chung ttang nem pim dingin na kan chuah taak.Cucaah ,kei hringtu na pa nih na philh lo i nai cinken peng ding mi bia cah 10 he kan thlah hi awh,ka fa nu.

May be an image of 1 person, standing, outdoors and text that says "SHOT ONM"

 

1. Ka bia naak in na pasal/na va nawl kha ngai deuh,zul deuh.A sinah na nun chung a um ding na si caah na tuah awk a si.

2. Inn chungkhat caah ,na thinlung pe dih law,na kal taak mi,na nu le na pa inn i na um lio,a nuamhnak kha chim hna hlah.

May be an image of 1 person, motorcycle, tree and outdoors

 

3.Na Va/na pasal cu na ttihzah lai.Na dawt taktak lai i na upat fawn lai.Mah le pasal a ttihzah mi le a upat mi paoh an nunnak ah nuamhnak le lung nuamhnak a ngei.

4.Na pasal theih lo in zeihmanh,na nu le na pa hi thil siseh tangka siseh kan pe hlah.Na kan peek ahcun na nu le na pa hi mi fiir ah na kan ser a si ko lai.

May be an image of 1 person, standing and outdoors

 

5.Na pasal le a hawikawm cu hmunkhat ah an tthu hna i zeizeimaw an iceih ah khan,na psal nih tthu ve ding in an ti lo ahcun an pawng ah va tthu hlah.Patling lawngte an si i,nu nih theih lo ding ba a um ti kha thei law an herh mi tu pe dingin rak i ralring deuh.

6.Na pasal/na vapa cu holh hraang in chawn hmasa hlah,na pasal a thin a hun sual zongah holhka nem in chawnhbiak chih peng i tim law,na pasal thinhun a dam chawm lai i,nupa nuam nan si tthan lai.

May be an image of 1 person, standing and outdoors

 

7.Na pasal hawi le kha sau deuh kawm hna hlah,caan sau an mit ah zoh fawn hna hlah,nupa i uhttanhnak hi nuthlawi hram i thawknak a si tawn.

8. Na pasal cung i na lung a tlin lonak,na unau sin ah maw,kei le na nu sin ah maw chim hlah awh,kan thin kan in hun pi sual lai i thil ttha lo a chuak sual ko lai i,na pasal cu mi sual ah kan in hmuh piak lai,nang zong ti sual caan a ngei ve lengmang mi na si kha philh hlah.

May be an image of 1 person, standing and outdoors

 

9.Na pasal sinah na lung a tlinlonak maw,na thinhunnak maw,a um ahcun,na pasal a chungkhat le a nu le pa sinah na chimh han lai,a ngakchiat lio in a sining a theitu an si hna caah an mah nih an theih lai,cucu nan pahnih caah a ttha deuh suammau.

May be an image of one or more people, hair, people sitting and outerwear

 

10.Na nu le na pa le na unau le nak hmanh in,na pasal nu le pa le a u le nau hna kha daw deuh cang hna,cucu kan sin in nang cu nai tthen cang i,nuthar le pathar,u le nau thar cu pei nai hmuh cang fawm hna cu mu!na thinhun lio ah khan,Bawipa sinah thlacamnak kha thawk cawlh law thlacam philh hlah.Ka mithmuh ah na um ti lo ,a sinain kan Pathian nih cun an hmuh peng kha philh sual lai cih mu,ka fanu.
By.Tin Duh Thang

 

Thawng dang:Bawipa kilvennak hna thawngin,Magwe Township, Yaw ram chung ah PDF pawl raltuk a bawm mi hna ,CDF-Mindat hna cu hliam zeihmanh tong lo tein Chinram dam tein an phan tthan cang tiah theiha si.CDF,Mindat pawl hi September 18th ni ah hin an ral tlung cang tiah khua mi pakhat nih cun a chim.

 

Tu thla chung zarh 2 hi i kahnak a fah taktaknak hmun Yaw ram chung cu CDF-Mindat hna nih an i bawmh hna.CDF pawl an khua an phanh,an kir l;io video hi September 18th ah khan an mah lak i pakhat nih a FB page ah a post.Asinain,a vedio kha a hlonh manh caah kan chiah chhih kho lo.

 

Yaw ram chung i an vai ikahnak ah khan CDF-Mindat lei le Yaw-YDF lei ub Saw PDF hna cu hmunkhat ah an ttangtti i,ralhrang pawl cu an va kah hna hi a si.Bawipa nih a ven hna caah him tein kan ram an rak phan kho tthan i kan i lawmtuk hringhran.

 

Thawngdang:September 18 Thanintharyi Township update .Thanintharyi Township, Dawei ramkomh, Lawng Lung region,Oh To Phyo Khuakomh,Kad Nge Hyein khua ah September ni 17 Zanlei suimilam 6:00pm ah khan ralhrang pawl nih cun kun 15 mi ,”Mg Zin Maung ,cu thi lak in an kah tiah,” Democracy Committee group( Dawei Pengkomh) thawngthanhtu nih cun athanh.

 

An thah mi mi ngakchia,”Mg Zin Maung Thant a si ti an theih cawlh.Zan hmasa suimilam 6:00pm ah khan ah kah kha a si.Ralhrang pawl nih cun Budish puithiam hna um nak inn cu an umnak hmun cah an hman hna.Kad Nge Htein khua ah hin ralhrang hna nih um nak hmun ah an hman hnu in zan suimilam 6:00pm hnu cun leengchuah an khap.Mg Zin Maung Thant hi zan suimilam r 6:00pm ah khan leeng chuah an khap ti thei lo in a chuak i,ralhrang pawl nih an hmuh in an kawh,cu le caangka a zaam i meithal in thi lak an kah tiah a hmutu khua mi nih a chim.

 

A tu ah hin Kad Nge Htein khua Budish puithiam inn ah ralhraang hna nih cun um hmun an khuar i an um lio a si i,leeng i a chuak mi paoh cu an check thluahmah hna tiah khua mi chungin min langhter a duh lo mi pa pakhat nih cun a chim.

 

Burma ralhrang hna nih hin ,Oh Yee Phyo Khuakomh, Lawng Lung region, chung i a um mi zeimawzat khua hna cu an mipi an chel thluahmah ko hna tiah khua mi pakhat nih cun ,Democracy Committee group (Dawei Pengkomh) nih a thanh.

 

Thawng dang:Nanmah Nan Ithah Dahkaw Asi !Min Aung Hlaing,Uico pawl heh tiah kan mipi nan thah hna,nan hliamh rih hna,an ngeih mi thil nan fiir,nan duhduh in an thilri an laak i nuamh nan tawlnak,Chin miphun mitthli nan luanter i,Chin miphun thinlung nan khuai,hi hna pawl hi an cawl kho ti lai lo nan ti,lawmhnak in nan au-nan khuang.

 

Chin miphun hna kan inn nan khangh lio ah khan a rian kan ttuan i kan biak mi,Jehovah Pathian nih an chinchiah diam ve cang hn a dahkaw,nan hriamnam ttha le nan ralkap tthawnnak in kan uk hna lai tiah nan iruah.Hihi thei uh! a tu in caan raulo ah zeizong vialte a sertu le zeizong vialte cungah nawl a ngeitu,Pathian nih nan cungah teirul an cham cang hna lai.

 

A tu inn nan khangh mi hi nanmah inn le lo khangh a si lainak a si i,a tu i kan miphun nan kan thah i,nan chungkhar te in thah nan silainak a si.A tu i,kan miphun hliam faakpi nan tuarter mi hna i,nan mah pawl a nung mi um chun hmanh cawlcaang kho lo in hma le rung lawngte nih a tlunh lainak a si.Nan caah lam a pit i,nan i bat mi cu,Mipi lei ah ziah hme ka rak dir ko lo,ka nupi le fa le,ka chungkhar he hmanh pei kan um khawh lo le kan thih dih ne cang hi ti mi thawng in an deng cang hna lai.Na hriamnam kha nangmah le na chungkhar hna thisen chuahnak le thihnak thlankhur an phanhtertu hna ah a cang lai kha thei cang uh.

 

Note:Ka miphun Chin mi hna,a tu ahcun ttap rih ko hmanh usilaw,a rauhhlan ah,Bawipa nih kan ngaihchiatnak kha lunglawmhnak ni ceu ah a kan thlen piak lai i,kan ngaihchiatnak mittghli kha lunglawmhnak mitthli ah a canter hrimhrim lai ti kha zum ko hna usih.Kan i tleih mi hi thlah kho kan si ti lo, teinak kan hmuh hlan tiang hmai ah kal tti ko hna usih.Ram le miphun caah hliam a tuar mi nan dihlak,Bawipa nih damnak in pe hnaselaw,inn le lo hrawh piak a si mi hna,Bawipa nih kha nak ttha deuh inn le lo in pe hram hna seh,kan in tuarpi hna,kan in ngaihchiatpi hna,Thihnak a tong mi chungkhar,Bawipa nih in hnem ko hnaseh.

By.Tin Duh Thang