Good News! Ralhrang Pa 20 Yaw Nih An Thah Hna

July 28, 2021 zinglei Suimilaam 7:30am hrangah Gankaw le Htilyin lampi zawh in a rak rami ralhrang ralkap cu Yaw Defence Force (YDF) mipi ralkap nih bom in an rak kahdoh hna.

Ralhrang ralkap lei in minung 20 tluk an thi tiah Yaw Defence Force thawngthanhnak ah an langh ter. Ralhrang ralkap lei nih hriam lian he an kah thluahmah ve hna nain, Yaw Defence Force lei kan ralkap cu a ho hmanh kan i hliam lo an ti.

Yaw Defence Force cu, 2021, June 21 ah dirhmi asi. A hramthok ah People Defence Force (PDF) tiin 19-6-2021 ah an rak dirh mi cu kan mah Yaw Defence Force he pehtlaihnak kan nei lo. A ho nih PDF a dirh tizong kan thei lo tiah cathanh an rak chuah bal cang.Crd : Yaw Defence Force – YDF

Nichiar in ralhrang ralkap duhlonak a langhter tu Myataung khua ah a bu in duhlonak a langhter tu hna cu ralhrang ralkap nih tuni July 27 ah an kah, an ttheu hna i minung 3 cu kuan hma an tuar. Ma Thu Thu Zin (kum 25) cu a lu ah an kah i a hmun ah a thi colh.

Nihin, zaanlei sang tiang a chungkhar sin ah a ruak an pe duh lo i ralhrang ralkap pawl nih Mandalay Naanrun ralhrang umnak ah a ruah an chiah tiah theih asi. “Thaizing lawngah a ruak cu pek tthan dawh kan si” tiah chungkhar he neihniam mi pakhat nih a chim.

Myahtaung mibu in duhlonak kan langhter nak cu tuni chun 12:30 am hrawngah Mahamyatbungphayakyi hmai luhnak pawng kan phaak lio ah ralhrang ralkap nih mipi an kan kah cu asi. Nu 2 le pa 1 kuan nih a khen hna. Ma Thu Thu Zin lu ah an khen i a hmun ah a ril colh tiah ahmu tu pakhat nih a chim.

Pa pakhat Mg Toe Toe Kyaw zong thih dawh asi ko tiah thawng a leng i biafiang cu kan thei ve rih lo tiah Yangon Khit Thit Media nih a ttial. A thi mi Ma Thu Thu Zin cu ralhrang ralkap dohnak ah a cawlcang pengmi asi.
Ralhrang ralkap nih an kahnak hna hmu asi mi Myatmung nichuah lei kam cu thi le daw a tamtuk caah ralhrang ralkap pawl nih cu thi pawl cu these pawl in an khuh/hnawh dih tiah Mandalay Phungki pakhat nih a chim.

Credit: Tlangau