Good News : CDF-Mindat le YDF Cu Hmunkhat Ah Raldoh Ding In Lungtlinnak An Tuah Khawh Cang

Chinland Defense Force (CDF-Mindat) le YDF nih Ralkap uknak a hram in kan phur khawh hlan lo, kan i bawm lai, kan dohti lai timi lungtlinnak an tuah. CDF le YDF cu July 26, 2021 thok in aa dirkamh mi, aa bawm mi “Alliance” an tuah khawh cang hi asi.

Kawlram cu Miphun tampi fonh in khuasaknak hmun a si. Cu caah Miphun pi “Bama” timi ruahnak in uknak, Biaknak dang thleidannak, Bama timi miphun pakhat lawng nun ternak thinlung hi rampi thanchonak caah dawnkhan tu taktak a si, a hram in cu vialte cu cawihdih, hrawh dih a herh tiah an langhter.

A bik in kum 1962 in aa thok mi, Ralkap hramhram uknak nih Myanmar rampi thanchonak, thil mansung vialte, fimnak tbk vialte an chiatchuah, an hrawh dihh. Atu ahcun kum 56 leng a rawk cuahmah mi ram in kan um peng. Hi vialte hi Bama timi miphun pi in uk duhnak, Biaknak dang cung ah thleidannak, miphun tenau cung ah zeirel lonak le cihmihnak ruang ah a si i hi vialte hi tutan ah a hram in kan cawih dih lai, kan hrawh dih cikcek lai, hi raldohnak ah teinak kan hmuh hlan tiang CDF-Mindat le YDF cu hmunkhat ah “Alliance” in kan um cang lai, kan ral kan doh ti cang lai tiah an langhter hi asi.

Cedit: Laikokek journal