Fri. May 14th, 2021

Pathian thawngin Chinram zong nih nikhat hnu nikhat thanchonak lam a panh cuahmah ve ko timi cu chim haulo in afiang mi asi. Ramchung ram leng ummi Chinram tefa hna zong a luancia kum 10 kan thutdir ning ruah hmanh ah zeitlukin dah kan thangcho timi cu mit hmuh kut tawngh in theih khoh ciau asi ko. Mah vialte hi Pathian thluahchuah asi i, zeitlukin dah lunglawmhnak kan ngeih timi belte minung pakhat le pakhat a lo ciaulo.

Kum 2015 ah NLD party nih teinak a hmuh hnuin Chinram thanchonak nak zong khulrang ngaiin a zuang ve. A luancia zocah tlaitu hna nih rian an tuan ve lo maw kan tiah cun an tuan ve ko, nain an riantuan ning afum pinah rian ngan le infrastructure rotling an ser kholo. Party pakhat khat soisel duhnak siloin mizapi theih mi  asi.

NLD cozah nih nawlngeihnak an ngeih hnuin Chinram caah rotling infrustucture and development project an tuahmi hi kan kutdawng in rel usi law rel cawk a si nghalo.  Mahlio ah Chinmi cheukhat cu zei lungput dah kan ngeih ka theilo, project lian ngan an sermi soisel kan hmang. NLD party an huat ruangah maw si ngha an ruahnak nih an phanhlo biadah si timi zong ruah awk a um. Laimi cheukhat kan lungput a thalo tiah ka ruahtawn mi cu pengtlang kan tanhtuk mi hi asi. Project lian ngan an ser tikah cozah nih a zoh hmasa cemmi cu feasible region ( project tuah khawhnak hmunhma atlaknak) asi, mah hnu I an zoh than rihmi cu Optimum point( a that biknak hmun, tangka in siseh, milu in si seh, project man ngei tein a hmang khotu ding) an zoh than. Cu hnu longah cozah nih hin project lian ngan an tuah tawn. Laimi cheukhat nih cun kan I thawh riangmang i, cu khua ah cun mah cu an tuah lai, mah tlangah cun mah cu an ser lai, mah pengah cun mah cu an sak kan hei ti. Budget mahticun an tuah, an riantuan hi cu bantuk tangka cu asi kan hei ti rih cu mu. Hi bantuk kan chim tawn mi ka theih ah hin apoi ko ti long chim ding ka ngei!!!!. kan ziaza thatlo ruangah Cozah hnahnawhnak kan pek i, an rian tuanmi nih a tuar fawn. Thate ruah setmat ah cun hi bantuk soisel a hmang ngai mi hi Lairam thanchonak dawntu an si. Hi bantuk lungput ngeih hi kan pupa nih cun “khawte lungput” tiah an chim mi khi a si cu.

Eihmuarnak kan doh lai, an riantuanmi Quality kan zoh lai, thil diklo an tuah asi ah cun raltha tein kan dirpi deuh ding asi. Thonchonak lam an ser cuahmah mi hi dawnkhantu si I zuam ding a silo.

By admin