Chinram Khulipi I Bomb Ralhrang Nih An Puahnak Ah Chin Nu Pakhat Faakpi In Hliam A Tuar

Mortar bomb nih inn a tlak ca ah Hakhathar sang ah nutung pakhat hma a pu.September 16, zaan suimilaam 11: 30 hrawng in Hakha khua ah meithal thawng le bomb thawng pehtlai in theih a si i, Hakhathar No. 1 sang, Lungphuntlang ah a um mi inn pakhat cu SAC lei kah mi bomb nih a tlak ca ah nutung pakhat hma a pu tiah kan theih.

May be an image of indoor

 

“Bomb a tlak lio hi an ih lio a si i bomb a tlaknak lei hi an tikhaan lei deuh a si. An ihnak hmun ah a peh i a hnakhaw ah hma a pu. A hma cu a nunnak ca thinphaang tuk cu a si lo. A lung zong a fim cang i a thi zong a pit ngai cang. Bomb a tlak ruang ah an inn pawng hrawng zong vawlei aa vorh dih,” tiah sangmi pakhat nih a chim.

May be an image of one or more people and text that says "Shot on Y12 Vivo AI camera 2021.09.17 00:22"

 

Myint Mo Kyaw ti mi Facebook account nih a tial ning ahcun, “Atu kan umnak inn (Minister pawl inn) an rak kah ca ah, ka lei a vengtu hna nih an kah ve hna. Suimilaam 11: 32 in 11:47 tiang an i kap cuahmah. Meithal lawng siloin hika lei nih mortar in pehtlai in an kah hna. A puah thawng hlat nawn in a thang…” tiah a tial.

May be an image of text that says "Shot on Y12 Vivo AI camera 2021.09.17 2021 00:28"

 

Tu zaan ah bomb thawng hi voi 15 hrawng thieh a si i Lungphun tlang ah hin SAC lei kah mi mortar bomb tlak thawng voi nga tluk theih a si. Tu tan ah hma a pu mi min le an umnak cu himnak ruah ah kan langhter lo nak a si.

May be an image of indoor and text that says "Shot on Y12 Vivo AI camera 2021.09.17 00:28"

 

Hakhathar ah inn dang a rawk mi um le um lo theih a si rih lo.
“Inn hnih thum cu a rawk kho men. Inn hngak tu a um lo mi inn an tam pah i chim khawh a si lo. Leng zong ah kan chuak ngam lo i minung kan him le him lo lawng phone in kan i hal kho hna,” tiah sang mi pakhat nih a chim.

May be an image of text that says "Shot on Shto12 Y12 Vivo AI camera 2021.09.17 00:27"

 

Tuzaan bomb le meithal a puak mi ruang ah Hakha khua ah hma a pu mi le inn a rawk mi dang an um le um lo hngalh a si rih lo. September 7 zaan zong ah SAC ralhrang lei kah mi kuan nih Hakha Chin Oo Si sangmi pakhat a khen i hma a rak pu.
Crd:TheHakhaPost

May be an image of indoor and text that says "Shot on Y12 Vivo AI camera 2021.09.17 00:30"

 

Sept 16 ah CDF-Hakha nih CDM tuah a duhmi SAC ralkap, palek le cozah riantuan hna sinah a tanglei bantukin sawmnak cathanh a chuah.

 

Min Aung Hlaing le a kuttang ralbawi hna cu anmah hlawknak caah mipi sin in nawlngeihnak an lak riangmang i sualnak ngei lo mipi cu an tlaih an thah hna i an inn an hrawh piak hna.

 

Cu bantuk thatlonak hna cu rammi ka si timi lungput ngei in doh dingah mipi lei ah fonh a duhmi SAC ralkap, palek le cozah riantuan hna cu kan in don ko hna Kan sinah aa fonhmi hna cu laksawng kan in pek hrimhrim hna lai.

 

1. SAC ralhak, palek le cozah riantuan hna nih CDM an tuah ahcun chungkhar dihlak caah himnak, ti le rawl le ngandamnak lei vialte tuanvo kan in lak hna lai.
2. Meithal le kuan hna nan rak zampi khawh ahcun laksawng ah sing 50 pek nan si lai.
3. Hriamngan le a kuan hna nan rak i zampi khawh ahcun sing 100 pek nan si lai.
4. Mipi ta a simi cozah zung mawtaw hna nan rak I zampi khawh ahcun laksawng ah sing 50 pek nan si lak.

 

Chinland Defense Force – Hakha
Pehtlaihnak – +9509764650024, +918731058986
Crd:TCP

 

Thawngdang:Lawngshi(လောင်းရှည်) Leh Chin Pine Ramri Ah CDF-Kanpetlet Leh Ralkap Council Doawknak Ah Ralkap Council Lamin Mi 7 An Thi Ih Hriamhma Tuar An Tam.Tui ni September ni 16 tlawngkai ni 4 sun ah Cindui(ကျင်ဒွေး) myo ah thazang va belhbawm dg in Lawngshi.

 

ကပစ ihsin hramlak lamzin zawhin ral a ra nawr tu ralkap council pawl cu Magew ramthen | Lawngshi leh Chin pine ramri hmun pakhat ah kan nih CDF-Kanpetlet pawl cun an rin lo ralah kan va do ih ralkap council lamin minung 7 cu hremhmun ah kan kuat thei ih hriamhma tuar an tam tuk ruangah dung an sipsal tiah CDF- Kanpetlet cun thu an suah asi.

 

CDF- Kanpetlet lamin cun thi leh hriam tuar an um lo tiah theih a si.Nu leh Pa mipi pawl din hmun in kan nemhnget hrih lo mi leh thu kan suah hrih lo mi doawknak thu leh doawknak hmun ti pawl cu Internet leh Facebook cahmai ah in post sak in in share sak lo dg ah titakzet in kan lo ngen in kan lo sim thei duh asi tin CDF-Kanpetlet cun an thusuah mi ah an tarlang.
Crd:Ele Chin Sisters