Chinram Ah Ralhrang 3 Nih Din Lo Ding An Din I An Thi

Matupi ah Kawl ralkap spirit haang an ding i 3 an thi.November 28 lio, Matupi ah Kawl ralkap pawl spirit haang an ding i 3 an thi, tiah Zalen nih a tial.

 

Mah hna pawl hi Matupi in Paletwa kar ah gate a hngak mi an si i zudin awk an ngeih ti lo ruang ah spirit haang an ding i an thi, tiah theih a si.

 

မတူပီမှာ စစ်သား ၃ ယောက် အရက်ပြန်သောက်ပြီးသေဆုံးဟုဆို ချင်းပြည်နယ်၊ မတူပီ-ပလက်ဝကားလမ်းပေါ်ရှိ ကြားဂိတ်မှာစောင့်နေကြတဲ့ အာဏာသိမ်း စစ်ကောင်စီတပ်သားများဟာ မနေ့ နိုဝင်ဘာ ၂၈ ရက်က အရက်မရတာကြောင့် အရက်ပြန်ဖျော်သောက်ကာ ၃ ယောက်သေဆုံးသွားတယ်လို့သတင်းရရှိပါတယ်။
Photo: Matupi khuachung/THTS

 

Yangon Puzuntawng Ah Mawtaw A Khal Lio Mi Ko Sin Tu Kyaw Ralhrang nih Thah.Yangon ramthen, Puzuntawng peng Bochoh lam le 49 lam cungah Nov.27 zaan sml 10:46 ah mawtaw a khaalmi Kyo Si Tu Kyaw cu ralhrang nih an kahthah i Nov. 28 ah a ruakvui asi lai tiah Kyo Si Tu Kyaw he a naihniam mi a hawile nih an chim.

 

Kyo Si Tu Kyaw hi chaklei Ohkalapa (ဥကၠလာပ) peng, sang hnihnak in asi i Nov. 27 zaanlei ah mah pumpak rianherh in leng a chuah lio ah Puzuntawng, Bochoh lam le 45 lam cungah ralhrang nih an kahthah tiah thawng theih asi.

 

Kyo Si Tu Kyaw nih pumpak rianherh in zaan sml 9:00 hrawngah leng a chuak i, Bochoh lam le 49 lam a phak ah sml10:00 a luan cang, mah ahcun a nih zong nih mawtaw a dir piak i, khalh zong a khaal lo, mah ahcun mawtaw khaltu umnak ahcun an rak kah, a lu an khen, a nupi zong ai tel, mawtaw chungah, an nu cu ai hliamkhawng lo, Mawtaw a khalmi Kyo Si Tu Kyaw lawng an kahthah tiah a hawi pakhat ni a chim.

 

Ralhrang nih an khenmi Kyo Si Tu Kyaw cu palek zung ah an kalpi i sii-inn ah kalpi asi lo, Nov.28 zing sml 2:00 lawngah ahmat 2 sii-inn ah an kuat tiah theih asi.

 

Kan mah kan theih than mi cu a mah ( Kyo Si Tu Kyaw) cu zinglei sml 2:00 hrawng lawngah sii-inn an kalpi, thil asi cu sml 10:00 a luan ah asi ning cun ai khawn le cangka in sii-inn kalpi ding asi, a dang pakhat cu lamcung ah hi bantukin a ruang umlo in kahthah hi cu zeibantuk hmanh in kan theithiam kho lo, zei sualnak hmanh a tuahlo mi sualnak ngeilo mi mizapi pakhat hi bantuk i an tuahmi hi a taangmi a chungkhar dihlak zong nih faktuk in an tuar tiah a chim chap.

 

Nov. 28 ah Kyi Si Tu Kyaw i a ruak cu laak dingin an i zuam i a ruak an laak khawh ahcun a pum an khuai, tuni Nov.28 ah Kyo Si Tu Kyaw cu a ruakvui a si lai tiah a chim.A ruak an khuainak ah a mah he ai pehtlai mi le a chung le lung tlinpinak a umlo, cun meithal kah ruang in a thimi asi, zei hmanh khuai hau zong asi lo, an mah duh ning in an tuah, a ruak ngahnak ding ah saupi kan chawnhpiak hna tiah a chim chap.
Ref: The Chin Post/Khitthit media