Chinmi Tuanbia Recorded  Vialte Lakah  Ah   AD 2021 Hi Ngeihchiatnak Kum Si Ko Rua Lai

By- Zasang Cizah

Rel Ve Hrim Mu Tha Taktak

Chin miphun tuanbia recorded vialte lakah “AD 2021” Kum hi Chin Miphun nih a fakbik, harnak le ngaichiatnak kan ton Kum a si ko rua lai.

Coronavirus nih Vawleipi, maimom bu zelh in a zelh lio ah Chin Miphun cu kan luat ttheu tiah ka rak zumh ngai nain, Virus nih fakbik a denmi Miphun dirhmun ah kan phan cu thinlung a kekkuai ko.

Bochanmi kan pale an tlu thluahmah. Kan idornak kan pastors te nih pakhat hnu pakhat in an kan kaltak. Kan izohthlami Mino tete hna zong nih thlan hmun an panh thluahmah tikah, a tangmi nih celh awk a ttha lo. Ahodah Next? ti phun in thinlung ah a um cio i, thin a phang i, thinlung a mui ko.

Feb 1 ah Kawl ralhrang, Ralkap nih uknak an lak ri in, kan Miphun ningpi in kan thinlung a zaw. Atu virus nih kan mifim le bochanmi a von kan lakpiak thluahmah chap tikah, tuar a har ko.

Asinain, Kan Miphun ningpi in harnak le ngaichiatnak kan ton cuahmah lio ah Miphun le ram dawtnak he kan Miphun ningpi in, lungrual tein kan pale nih hma an lak cuahmah ciomi zoh than tikah, hnangamnak an ka pek ngai.

 

True love/ dawtnak tak nihcun ttihnak/ fear a ngei lo an ti ttheu bang, kan Miphun chung ah ram le miphun a daw takmi, miraltha tam tuk kan ngeihmi hi a sunglawi takmi a si. An dawtnak nih a hrinmi an ralthatnak nih teinak an kan phakpi te ko lai. Cu tik ahcun, nihin kan ngaichiatnak mithli hi a hul te lai.

 

“A thukbikmi muinak chung ah kal hmanh usihlaw, Bawipa he cun kan ttih lo.” Tuhi Muinak hawrkuang chung ah kan kal cuahmah lio a si ko nain, ceunak Tiva kam kan phan caan a ra zau ve ko lai.

Lungrual in hmailei kal cuahmah cio ko hna usih!