Chin Tar Pawl Minung & Ralhrang Nih An Tleih Hna

Ralhrang Nih Parte Khuami Tar 7 An Tlaih Hna, Tuiphei Kahdohnak Ah Ralhrang 4 An Thi.January 18, 2022.Chin ramkulh Falam peng Falam-Kalay mawṭaw lamkam ah a ummi Parte khuami tar 7 hna cu Jan 17, nizan ah ralhrang nih an tlaih hna tiah theih a si. Parte khua le an pawngkam Lumbang khuami hna cu ralhrang ṭih in an zam dih hna i a zam kho ve lomi tar lawng an taang.

 

Jan 18, tuzing 8:30am hrawngin Falam peng Tuiphei khua pawngah ralhrang le CNDF an i kap ṭhan i ralhrang 4 an thi tiah CNDF sin thawng kan theih.

 

Theihternak : The Chin Post nih kan tialmi thawngpang le ca dangdang hna hi kanmah chimh hmasa loin zalong tein lak khawh a si ko. Asinain kan thawngpang le ca dangdang a la mi hna nih Credit: The Chin Post ti te hi kan tialpiak hram u. Cheukhat cu Credit an kan pek lengmang ko nain cheukhat cu an kan pe duh bak lo. Cun cheukhat cu thawng kan laknak media Credit kan pekmi lawng an langter fawn. Rethei ngai in kan tialmi kha fawitein tangka laknak ah nan hman khawhmi cu a tha tuk ko. Credit pek tu cu kan philh ti hram hlah law tiah kan in theihter hna.
Crd:The Chin Post

 

Thailand Ah Myanmar Rammi 153 Tlaih An Tong, Nu 10 Cu Ramlak Ah An Hlonh Hna.January 17, 2022.Myanmar in Thailand ram ah phungning loin a lut i rian a ṭuanmi Myanmar rammi 153 cu Kanchanaburi peng chungah tlaih an tong tiah Migrant Times nih a ṭial. Kanchanaburi pengkomh thawnglatu hna thawngthanhnak in Thai palek le ramri hngak ralkap hna i bawm in Myanmar rammi pa 80, nu 70 le anmah hruaitu minung pathum hna cu mawṭaw pathum he Kanchanaburi pengkomh peng (myone) pathum chung i hmun 8 ah an tlaih hna tiah theih a si.

 

Ṭha tein an chek hna tikah an ngandamnak a ṭha dih. Hi an tlaihmi hna hi Dawei, Bago, Rakhine, Mawlamyian le Rangoon in a rami an si. Thailand ah an kal khawh nak dingah hin Agent (puaisa) sinah Baht (Thailand tangka) 16,000 in 22,000 tiang kan pek tiah an chim.

 

Cun Jan 16, nizan 9:00pm hrawngah Kanchanaburi pengkomh Salakpra ramhual zohkhenhtu pakhat nih ramhual chung aa chawhnak ah lamkam i burbuk lakah hlonh a tongmi Myanmar rammi 10 a hmuh hna tiah theih a si fawn. An tlaihmi hna cu upadi ningin tazacuai ding le Myanmar ah tlunter ṭhan dingin palek sakhan ah an hren ko hna tiah Migrant Times nih a langhter.

 

Theihternak : The Chin Post nih kan tialmi thawngpang le ca dangdang hna hi kanmah chimh hmasa loin zalong tein lak khawh a si ko. Asinain kan thawngpang le ca dangdang a la mi hna nih Credit: The Chin Post ti te hi kan tialpiak hram u. Cheukhat cu Credit an kan pek lengmang ko nain cheukhat cu an kan pe duh bak lo. Cun cheukhat cu thawng kan laknak media Credit kan pekmi lawng an langter fawn. Rethei ngai in kan tialmi kha fawitein tangka laknak ah nan hman khawhmi cu a tha tuk ko. Credit pek tu cu kan philh ti hram hlah law tiah kan in theihter hna.
Crd:The Chin Post

 

Thawngdang:An Hawile Bawmh Dingah A Ra Mi Ralhrang 10 An Thi, Hliamtuar An Tam.January 17, 2022.Chin rakulh Falam peng kahdohnak ah ralhrang lei a thimi an karh chin lengmang. Cu ruangah Kalaymyo lei in bawmtu ding ralhrang zeimawzat hna cu mawṭaw ngan pathum le Sniper meithal aa telmi mawṭaw hme pahnih an rak kai chap.

 

Cu hna cu Jan 17, tuni zinglei suimilam 10:30am hrawngah CNA,CDM Siyin, PDF Zoland, Zongam Army, CDF KKG-2 nih an kah hna i ralhrang 10 an thi, hliam a tuarmi zong an tam ngai tiah Civic Defence Militia (CDM) – Siyin nih an thanh. Ralhrang hna cu an lan ngam ti lo i Kalaymyo lei ah an kir ṭhan tiah Civic Defence Militia (CDM) – Siyin nih an thawngthanhnak ah an langhter.

 

Jan 17, Falam peng Lungbang khua kahdohnak zongah CNDF nih ralhrang 6 an thah hna tiah theih a si. Jan 14 kahdohnak zongah CNA,CDM Siyin, PDF Zoland, Zongam Army, CDF KKG-2 ralkap hna cu ralhrang nih raldohnak vanlawng in a kah hna tiah theih theih a si. Ref: Civic Defence Militia (CDM) – Siyin

 

Theihternak : The Chin Post nih kan tialmi thawngpang le ca dangdang hna hi kanmah chimh hmasa loin zalong tein lak khawh a si ko. Asinain kan thawngpang le ca dangdang a la mi hna nih Credit: The Chin Post ti te hi kan tialpiak hram u. Cheukhat cu Credit an kan pek lengmang ko nain cheukhat cu an kan pe duh bak lo. Cun cheukhat cu thawng kan laknak media Credit kan pekmi lawng an langter fawn. Rethei ngai in kan tialmi kha fawitein tangka laknak ah nan hman khawhmi cu a tha tuk ko. Credit pek tu cu kan philh ti hram hlah law tiah kan in theihter hna.
Crd:The Chin Post