R.I.P.Chin Pasaltha Na Paamtuk Ko E

Chin ramkulh Matupi peng chung Matupi-Paletwa motor lam pawng ralhrang ralkap umnak hmun Thi Boi sakhan in sniper le CDF-Matupi Battalion (3) phu in sniper cu an i kap.

 

CDF-Matupi sniper cu nihin January 18 zinglei sml 10:30 ah a hngawng zawnah meithal kuan nih a khenh caah a nunnak a liam tiah CDF-Matupi sinin theih a si.Ram caah a nunnak a liamtu CDF-Matupi ralkap nih a nupi le fale (3) a kaltak hna.
Crd:The Federal Times

 

Thawngdang:A Nupi Nih A Fa Le He Pasal Dang A Dawi Taak NIng Hna Hi Ngaihchia Ngai Asi.Minung hi kan nungak tlanval lio i kan i kawmh le kan i uar i kan i duh lio cang ah khan cun,zeihmanh nih kan tthen hlah seh,Tihnak dah ti lo nih cun tiin bia le hla kan hmang cio hna i,cucu nu si usih,pa si usih kan hman uar ngaingai mi bia le hla a si.

 

A tu a tang i ka van chiah mi,ka van taar mi hi i duh te in nupa a si i chungkhar a ser i tefa zong a ngei cang mi an si.Thil pakhat cu,pa si usih,dawtnak taktak a tel lo ahcun, a pasal nih maw a nupi nih maw accident an tawn ah maw,damlonak an tawn tikah lungdong in nupi le chuahtaak le pasal le chuahtak hi kan hmang tawn,hihi dawtnak dik lo a si.

 

Kan unau,Mizoram ,Sailulak khua a um mi ,”Pu Kaptanga te nupa hna cu i duhdaw ngai in an i ngei i tefa zong 2 an ngei cang,an pa hi kut rianttuan mi a si i,chungkhar ttha deuh in a cawm kho mi le nupi le fa le zong a zohkhenh kho mi a si.Asinain,vawikhat cu a rianttuannak ah hliam a tong sual i a lu tiang in hlai a tong.A nupi nih cun a thli in pasal dang sinah nupa sinak a rak hmang lengmang,hihi vawikhat lawng hmanh si lo i mipa dangdang sinah nupa sinak hi a ngei i fa zong a pawi lengmang,sihmanhselaw a pasal nih hin a ngeihthiam peng.

 

A hnu ahcun a pasal nih hin a nupi le padang nupa an si lio tiang in a hmuh cang hna i,cu hnu zongah apasal nih cun a ngeihthiam tawn ko nain,nu hi a lerh,a hur ngaingai mi a si ti a fiang ,an inn ah pa pakhat nih a va kal i an khua,Samlukhai cun,Serchip ah an kal tti tiah a pasal nih cun a chim.A tang hi an kong a dik ning te in a chimnak a si i ngeih chih khawh a si.
https://youtu.be/hI7u5AyCgPA

 

Kan Tluknak In Kan Dir Tthan Lai I Kan Tho Tthan Lai.Minung hi lam kan kal tik ah maw kan thut tik ah maw,kan tluuk sual ahcun,kan tluuk lonak zawn in thawh khawh a si lo.Kan tluuknak zawn thengin kan thawh a herh.Pathian thinlung ah kan sual i,Pathian thinlung ah tthiam,a fa :Jesuh thawngin miding ah canter kan si.

 

Iraq ram cu,Saddam hussein nih ralkap hriamnam tthawnnak hmang in tthangkhat lian tluk uknak a laak i,a ram mittha le mifiim pawl zong an ram chungah,an ram le miphun tthanchonak tuah kho lo in,a mah uknak tangah an um i,a mah nawlngeihnak lonh phun i a cawlcaang mi paoh cu a fim thluahmah hna.

 

Pakistan ram cu “Pervez Musharraf nih rlkap tthawnnak hmang in a uk i kum 6/7 tluk a kalpi,ram mipi nih ralkap uknak in an ram kal kha an duhlo caah faakpi in dohnak an tuah hnu ah an ram mipi hna nih faaktuk in rawhnak an tawn hlan ah a president sinak cun an hlonh.Pakistan ram zong an tluuknak,Pervez Musharraf,ralkap bawi sinah an tho tthan.Cubantuk in,Iraq ram zong,Saddam sin i an tluuknak theng te in an tho tthan.

 

Note:Myanmar ram zong hi a tu ah,kan thil hrawh piak le kan mino hna thah piak in kan um i kan ngaih a chia ko,kan tluuknak le kan rawhnak ,Ralhraang pawl hi hlonh an si lai i,kan ram nih uknak ttha a zulh ve hrimhrim lai.A hlei in Chin miphun le ram caah hin thuh mi roa hmu chuak mi bantuk in kan miphun nih kan ram thengte ah caan kan hman caan a ra hrimhrim lai caah,lunglawm le thanua in,hmai ah nawr chin ko hna usih.Kai lawm.
Crd:Tin Duh Thang

 

Ziah Rawl Ka Ei Ah Ka Rawl A Ttam Peng I Ka Tihal I Ti Ka Din Ah Ka Tihal A Hnga?Ka miphun hna,Kan Tlanval lio ah nungak duhtuk mi he i co lo lio ah ngaihchiatnak faakpi ka tong,cubantuk dedeng in,ka chawlehnak ah ngaihchiatnak fak bak mi ka tong thiam.Cuhnu ah,rianttuannak kongah ngaihchiatnak faakpi le lungrawhnak dedeng tiang ka tong fawn.Ram thum kalnak dingah Covid-19 ruangah kal chawm ding kal kho lo in taannak ka tong i lungrawk ngaingai in ka um.

 

Ngaihchiatnak le lungrawknak phun tampi ka tong,ka lung cu airawk i,lung nuamlo in caan zong cu ka hmang taktak ve ko.Cu ahcun pumpak ca ruah cun a dik bak fawn mi a si.A cung i ka ttial mi le ka langhter mi pawl hi,ziah cubantuk cun khua na ruah ti khawh ding khi ka si hnga lo.Zei ca ti ahcun,ka ton i ka tuar bak mi a si caah,a tong ve lo mi nih cun hnemh awk le awk lo nan pemh theng lai lo.Minung sinak,fimnak men cun,hnemhnak phun bia tampi a chuak kho i,ngeih khawh zong a sifawn.

 

Asinain,Ziah,ka miphun pasalttha le nusalttha hna nih a tu an nunnak,Chin ram le Miphun ca i an peek tikah,ka chuahpi ka unau zong a si lo mi nih an thihnak kongah ka thazaang nih cancer zawtnak ngei mi bang zaangzel le zaang tlunglo,zaang uar in a ka tuah hnga?Lungcan i peek awk a ttha lo,pacan kai cuh tiawk zong a ttha fawn lo i,ka taksa nih rul thah hnang bang ai longh len ko hnga???

 

Rawl cu tampi ka ei fawn,asinain,ziah ka khim khawh hnga lo,ka ti a hal tiin ti cu cuhlannak tampi ka din ko.Asonin ziah ka tihal a riamh khawh fawn hnga lo??Zei cudah rawl khim lo le tihal riamlo in a ka chiatu cu a si?”Ka aiawh in Chin ram le Chin miphun caah a dir i a nunnak tiang a liam mi hna,”CHIN Pasalttha le nusalttha hna,nanmah nih keimah aiawh in kan ram le miphun ca i nan nun nan peek mi thawngpaang ka rak theih caah hin a si.

 

Ka biak cung”Pathian,nangmah bochan in ka miphun hna nih kan ral cu kan dironh hna i,kan tei hlan tiang kan kalpi law,Israel miphun hna nih na sin i an sual tik ah miphundang hna kha sal i na tleihter hna lio ah khan,na sinah an rak i ngaichih i an sualnak na ngeihthiam hna i an ram na damter i sal an sinak in na chuah hna bantuk hin,CHIN miphun nih miphun dang sal i kan tannak chung hin a rauhhlan ah na kan chuah lai ti ka zumh caah ka hna a ngam i,na min zong kan thangthat.Thangthat a duh mi”Pathian,zungzal nunnak kan ngeihkhawhnak hnga fapa”Jesuh a kan pe siangtu nang nih cun,ziah miphundang sal cun na kan luatter sian lai lo ti ka zumh caah ka hna a ngam i,kan thangthat chin ko lai hih.Amen!!!
Crd:Tin Duh Thang