Fri. May 14th, 2021

SAC ralkap nih anmah misawhsawh thilpuan i hruk in meithal an i ken i mipi lak ah an i chokvak. An ralhriam thiarnak ah ralkap motor si loin chungkhar ngeihmi motor le motorcycle pawl kha hramhram in an chuh hna i an hman. Cucaah, i dohnak a chuah hnu ah cun mizapi lei nih umkal i ralrin a hau lai i, SAC ralkap nih nan motor an hman a si ahcun ttuanvo kan la lai lo,” tiah CDF-Hakha nih an langhter.

“Cun, misawhsawh thilpuan aa hrukmi SAC ralkap pawl cu nan hmuh hnanak hmun paoh ah mipi humhimnak ca ah tthio hna u law an meithal zong chuh khawh a si,” tiah cathanh ah an langhter chap. The Chin Journal

Nihin Thantlang mino hna nih an tuahmi ralkap uknak duhlo langhternak cu tlamtling tein an lim khawh. Thantlang khuachung ah tuah an timh nain relrem lonak tete a um caah hmun dang tu ah ralkap uknak duhlo cawlcanghnak an tuah.

Nihin May 2, Myanmar ram huap lamzawhnak ah khua cheukhat ah SAC ralkap le palik nih meithal in an kah hna i Shan ramkulh ah minung 2 le Kachin ramkulh ah minung pakhat atu tiang ah an nunnak liam. Shan ramkulh, Thipaw khua lamzawhnak ah SAC ralkap le palik nih meithal in an kah hna i, Muslim tlangval pakhat a nunnak a liam. A dang minung 2 hliamhma an pu.

Cun, Shan ramkulh chung thotho a simi Naungcho khua zong ah meithal in an kah hna i pa pakhat a nunnak a liam, tiah Shan thawngzamhnak nih an langhter. Kachin ramkulh, Phakanh khua lei panh in lam a zawhmi Lungkhin khua lamzawhtu mibu zong an kah ve hna i minung pakhat a nunnak a liam. A dang pakhat hliamhma a pu.

Mandalay, Monywa le Swebo lamzawhtu pawl zong tthenhmal an tong i sianginn sayamate telh i minung tam nawn tlaih an tong.Yangon ramtthen, Insein lamzawhtu pawl zong SAC ralkap le palik nih an tthenhmal hna i minung 7 hrawng tlaih an tong.

By admin