Fri. May 14th, 2021

Australia nih chungkhat, chungkhar telh in laknak kongah “Visa” phunphun a ser ti i cu ah zungzal umnak nawl ngei mi Visa (Permanent Resident- PR) le caan tlawmpal ca (Temporary Visa) ti’n an um. Hi Visa (s) ngah khawh nakding ah caherhhai (documents) tampi hal a si i cu chungah mi tam deuh nih kan i lungretheihpi mi PCC (Police Clearance Certificate) kong tlawmpal ka van thil. Pumpak in a ka halmi nan um pah pin ah, zeiti tuah awk hngalh lo ruangah VISA ngah kho lo tampi kan um hna caah, thahnem phom hnga maw ti ka ruat.

Police Clearance Certificate (PCC) hi kan umnak ram siloah thla 12 cung kan umnak ram ta kha hal mi a si. Zeiruangah an hal ti ahcun, michia maw kan si, mitha theih duh ah kan tuanbia (history) zoh an duh caah a si. Cucaah Australia Visa (PR or Temporary) na sok tikah cuka ram ah kum cu zat ka um, tiah na telh/chim a si ahcun, cu na um/kalnak ram Police Clearance Certificate (PCC) an in hal lai. An ramchung ummi caah cun fawite in lak khawh a si ko lai, nain na chuahtak cang mi ram PCC an in hal ahcun na ca ah a har ngai kho. Cu bantuk hna ca ah hitihin PCC na lak lai:

Khoika ram PCC (Police Clearance Certificate) ti na fian hnu ah https://www.vfsglobal.com/en/individuals/about.html ah na kal lai. Hika ah zeitin dah tuah a si le zei bantuk caherhhai (documents) dah na herh kha fiangte in an in chimh lai. Online in sok khawh a si, na harh deuh a si cun phit ding mi ca na print out lai i kut in phit hnu ah VSF.Global ah na va chiah silole kuat lai.

VSF.Global na kuat hnu riantuan nisarih chungah lehnak a um lai (a tlai deuh kho zong si). Kha an in kuatmi kha khoika ram paoh nih cohlan mi a si.

PCC sok tikah a herh ding mi: (1) Passport or Travel Documents, (2) Passport hmanthlak-2, (Ram kip dun le dan ai dan bantukin caherh an halmi i dan cio khawh a si).

A dang theih herh

Pulrai ruangah Australia cozah nih ramchung luhchuahnak innka a khar ti tluk a si. A hlei in Temporary Visa ca ah innka a bi tuk. Cucaah VISA na ngah ko zongah Vanlawng Ticket lak colh na ngah lo, ramchung luhnak nawl na hal hmasa a hau. Cu luhnak nawl cu Travel Exemption an ti i phit ding catlai 2 a um. Na sok mi an in pek hnu lawng ah Vanlawng ticket na cawk lai. Na rak zuan ding caan nithum siloah suimilam 72 hlan ah Australia Travel Declararion na sok than lai. Hihi online in sok hau phun an si. Hi soknak dingah tette tha (evidences) tampi na pekchih hau lai.

Note:  A tuah thiam lo nih pumpak in chawnh khawh ka si. Australia ram ca lawng si lo, ramdang um zong nih PCC fawite in laknak a si. | Credit: Carson Twintwin

By admin