America Ropuinaak Cu Vawleicung Hmaika Ah Hin Ningzak In A Um Lai.Trump

A tulio hi Donald Trump nih hin President Joe Biden Afganistan Withdrawal a tthalotuk mi le US Mexico Border hmun i illegal migrants lut mi ruang ah hin a sawlsel ngaingai. Sean Spicer ,Newsmax ah Trump cu a vai langh i next presidential race ah ai cuh lai le cuh lai lo cu chim ttha duhlo in, campaign style bantuk phun boruak a ngei ttha ngaingai.

See the source image

 

Trump nih khan tu thla 8 liam cang mi chung ah khan America hi vawleicung ram hna sinah kan tla niam ngaingai,a ti.HIbantuk thil a cang mi hi a hohmanh nih an hmuh bal zong ka zum lo. Kum 3 lebang a kal ahcun vawleicung ah America hi hmaihngal ding ngei lo,ningzak in an um ko lai e,a ti.

See the source image

 

Spicer’s Newsmax show ah hin Trump nih 2022 midterms election a um ding mi le 2024 Presidential election a um ding mi zong ah ,rigged election a um tthiam a zumh.Kai cuh lai le cuh lai lo hi chim a za rih lo,asinain news /thawng nan heih tik ahcun nan i nuam ngaingai te lai,a tu ah hin America hi vawleicung ramkip nih nihchuak ah a kan seih lio e,a ti.

See the source image

 

Thawng dang:Yangon hmun in Mtaingmyah khua ah a tlung ding mi civil mi 3 Cu PDF nan si tiin ralhrang hna nih cun, September ni 13 Zan suimilam 9:30pm ah Mataingmyah khaw luhnaak Check gate ah an tleih hna tiah theih a si.

 

Rian ruangah Yangon ah a kal mi an si. Mtaingmyah khua Kaankaw sang i a um mi pahnih ,”Ko Wai Mon Kyaw (Naing win) le Ko Win Min Aung (Thar Gyi) le Yangon hmun in,” Ko Myo Lwin Oo (Myo Gyi) hna an si.An nih hi KAYIN ram ralkap training nan si ko ti in ralhrang hna nih cun a tubantuk i an tleihnak hna hi a si.

 

HI hna hi an rian kongkau i a chuak mi an si i,kan hnu deuh ah khan sandahpiahnak hna ah an i tel ve ti a si.An nih hi ralkap training a kai mi an si lo.Sandahpiahnak i an rak i tel caah cucu dalaan pawl nih ralhrang pawl sinah an chimh hna caah a tubantuk in an tleih hna hi a si ko ,an ti.

 

Thawng dang:An Rak Mawh Hrimhrim Ttung Lo.Thantlang khua mi 90% tluk an zaam cang,khua an chuahtaak cang ti kan theih tikah a langhlaat in kan lung a faak i kan ngaih a rak chia ngaingai cio.A hmun um mi i an chim ning le bang ahcun,Thantlang khua chung cu ttiau taak mi khua bantuk khi a si cang i,mahlawng kal lebang ahcun ningtti lei khi a si e,a ti.

 

Thantlang khua chung ah hin,Ar hmanh tthittha in a khuang ngam ti lo,Uico hmanh hi cuhlan an boh tawn ning tluk in an bo ngam ti lo e,a ti.A chim peeh tthan mi cu.”Thantlang khua a hnu bik an i kah lio ah khan Ralhrang pawl cu khua chung i an tliik len lio ah khan an tlik pah ah,Khah minung nan hmuh mi paoh kaap thluahmah hna uh,kaap dih hna uh,kaap dih hna uh,tiah an au caah,nunau le upa pawl,tarnu tarpa hna caah a zeitihmanh in um khawh ding le um ngam ding khi a si lo e,a ti.

 

Chinram dihlak le Thantlang khua ,”Bawipa nih him tein in umter in in venghim hnaselaw,caanraulo ah na thim mi miphun,Chin mi hna nih kan umnak ram ah canter tthan ko sawh law.

 

Kei Cu Ka Lo Ko Hnga:Rum ruangah ,Nih ding si selaw ,nih mui ka hmu hnga lo.Muidawh ruangah , Ilawmh ding siselaw ,lawmh ni ka ngei hnga lo.Thil ka tisual paoh ah hin, tluuk-rilh thai siselaw thawh caan ka ngei hnga lo.

 

Sihmanhselaw,ka nih khawh mi le kai lawmh khawh mi,ka tluukrilh zongah ka thawhtthan khawhnak cu,Sertu Pathian a dawtnak thawng lawnglawng a si.Amen!
Philippi 4:11
By.Tin Duh Thang