๐‘๐จ๐ง๐š๐ฅ๐๐จ ๐Š๐š๐ง ๐‡๐ž๐ซ๐ก ๐‹๐จ: ๐๐š๐ฒ๐ž๐ซ๐ง ๐Œ๐ฎ๐ง๐ข๐œ๐ก ๐‚๐„๐Ž

Bayern Munich CEO, Karl Heinz Rummenigge nih cun Robert Lewandowski an ngeih ruang ah Portuguese hmaikal Cristiano Ronaldo cu an herh lonak kong a chim.

Kan theih dih bantuk in Cristiano Ronaldo hi Spain ram ah kum kua chung a um lio ah hlawhtlinnak tampi a rak hmu. Real Madrid cu hrai phuntling a lak piak hna hnu in Italy lei ah aa tthial. A kum a tam cang ko nain Serie A lei zong ah player uar cem mi le a thiam cem a si kho rih. Kum hnih lawng a um rih nain Juventus caah goal 50 leng a khumh manh cang.

Cristiano Ronaldo hi cawk a duh lo mi club an um lai lo. Zeica’h tiah bawlung chuih leng ah, chawhlehnak hrimhrim ah amah ngeitu club an miak tuk. Champions League champion, Bayern Munich zong hi Ronaldo cawk duhtu club an rak si tawn nain a tu ah cun an herh ti lonak kong Bayern CEO Karl Heinz Rummenigge nih a chim.

Karl Heinz nih cun,” Robert Lewandowski kan ngeih caah hmaikal dang kan herh ti lo, Cristiano Ronaldo zong kan herh lo,” tiah a chim.

“Juventus nih Cristiano Ronaldo an ngeih hi ka lawmhpi tuk hna, zeiti lam hawih paoh in Ronaldo ngeih hi cu a hlawk tuk mi a si. Puai sunglawi deuh ah goal a khumh kho tuk fawn. Club nih an herh mi zeipohte amah ah um dih. A min hmanh hi club cheukhat caah cun ttihnung a si. Robert Lewandowski he hin i lawhnak tampi an ngei. Ngakchia deuh caah zaohchunhawktlak in an um peng fawn. Robert Lewandowski kan ngei hi kan van a ttha tuk, cu ruang ah hmaikal dang kan herh ti lo,” tiah Bayern Munich CEO, Karl Heinz Rummenigge a chim.